පුද්ගලික අංශයට සහල් ආනයනට කැබිනට් අනුමැතිය දෙයි..
Tuesday, 03 December 2024 - 8:12 pm
පෞද්ගලික අංශයට සහල් ආනයනය කිරිමට අවසර දීමට රජය තීරණය කර ඇතිබව කැබිනට් ප්‍රකාශක අමාත්‍ය වෛද්‍ය නලින්ද ජයතිස්ස මහතා පැවසීය.
ඊයේ (02) පැවැති අමාත්‍ය මණ්ඩල රැස්වීමේදී ඒ පිළිබදව සාකච්ඡා කළ පැවසීය.
එහිදි පෞද්ගලික අංශයට සහල් ආනයනය කිරීමට අවස්ථාව ලබාදීමට කැබිනට් අමාත්‍යවරුන් සියලු දෙනාගේ එකඟත්වය ලැබුණු බව පැවසීය.
ඒ අනුව කඩිනමින් පෞද්ගලික අංශය මගින් මෙරටට අවශ්‍ය සහල් තොග ආනයනයට පියවර ගනු ඇතිබව එහිදී පැවසීය.
ඕනෑම සහල් වර්ගයක් ආනයනය කිරීමට හැකියාව පවතින බව අමාත්‍යවරයා පැවසීය.
සුළු හා මධ්‍යම පරිමාණ සහල් මෝල් හිමියන් තමන් සතු නාඩු සහල් තොග ඉතා ඉක්මනින් වෙළඳ පොළට නිකුත් කිරීමට කැමැත්ත පලකර ඇතිබව ජයතිස්ස මහතා පැවසීය.
ජනාධිපති අනුර කුමාර දිසානායක මහතා සමග ඊයේ (02) පැවති සාකච්ඡාවේදී එලෙස කැමැත්ත ප්‍රකාශ කර ඇත.
සුළු හා මධ්‍ය පරිමාණ මෝල් හිමියන් සතුව නාඩු සහල් තොග සීමිත ප්‍රමාණය ඉතා ඉක්මනින් වෙළඳ පොළට නිකුත් කිරීමට නියමිත බව වැඩිදුරටත් අමාත්‍යවරයා පැවසීය.
