බදු නැති ඩීසල් රුපියල් සීයට අනිද්දා මිල සංශෝධනයෙන් ලැබේවි.. එය කල හැකියි..
Sunday, 29 September 2024 - 9:34 am
පසුගිය රජය විසින් ක්‍රියාත්මක කිරීමට අනුමත කර මුදල් වෙන්කර තිබූ යෝජනා කිහිපයක් ව ජනාධිපතිවරයා විසින් ක්‍රියාත්මක කිරීම සම්බන්ධයෙන් ස්තූතිවන්ත වන බව හිටපු අමාත්‍ය කංචන විජේසේකර මහතා සඳහන් කරයි.
ගොවින් සඳහා වන පොහොර සහනාධාරය විසිපන්දහස තෙක් ඉහළ දැමීම, ධීවරයන් සඳහා ඉන්ධන සහනාධාරය, ඉන්දියානු රජයේ ආධාර මත සූර්ය පැනල ව්‍යාපෘතිය ක්‍රියාත්මක කිරීමට අනුර දිසානායක මහතා තීන්දු කිරීම ගැන සතුටු වන බවත් පවසන ඔහු ඒ සියල්ල පසුගිය රජය විසින් අනුමත කර මුදල් වෙන් කර තිබූ ඒවා බවත් සිහිපත් කරයි.
මෙම ව්‍යාපෘති සියල්ලම මුදල් අනුමත කර තිබියදී පසුගිය මැතිවරණය හේතුවෙන් මැතිවරණ කොමිසමෙන් අත්තිටුවන ලද ව්‍යාපෘති බවද හෙතෙම පෙන්වා දෙයි.
හොඳ වැඩපිළිවෙල්වල් සඳහා තම සහාය නිරන්තරයෙන්ම ලබාදෙන බවත් පැවසූ ඔහු එවන් වැඩපිළිවෙල් ඉදිරියටත් සිදු කිරීමට කටයුතු කරන ලෙසද ඉල්ලා සිටියි.
එමෙන්ම පසුගිය මැතිවරණ වේදිකාවේ කියූ පරිදි ඉන්ධන ලීටරයක් මත පනවා ඇති රුපියල් 150ක පමණ වන බදු ඉවත් කර ඩීසල් ලීටරයක් රුපියල් සීයට ලබාදිය හැකි බවට කල ප්‍රකාශයන් දැන් ක්‍රියාත්මක කළ හැකි බවද ඔහු පැවසුවේය.
සියලු බදු ඉවත් කළහොත් රුපියල් සීයකට ඩීසල් ලීටරයක් ලබා දිය හැකි බව තමන්ද පිළිගන්නා බවත් හෙතෙම තව දුරටත් කියා සිටියේය.
.webp)
