සිව්වන සමාලෝචනය සඳහා විධායක මණ්ඩලයේ අනුමැතිය කඩිනමින් ලැබේ යැයි අපේක්ෂා කරනවා - IMF
Friday, 23 May 2025 - 9:49 am
පසුගිය අප්‍රේල් 25 වන දින එකඟතාවයට පැමිණි IMF හි සිව්වන සමාලෝචනය එහි විධායක මණ්ඩලය විසින් අනුමත කළ පසු, ශ්‍රී ලංකාවට ඩොලර් මිලියන 344 ක පමණ මූල්‍යකරණයක් ලබා ගත හැකි බව එහි සන්නිවේදන දෙපාර්තමේන්තුවේ අධ්‍යක්ෂිකා ජුලි කොසැක් පවසනවා.
එම සමාලෝචනය සම්පූර්ණ කිරීම විධායක මණ්ඩලයේ අනුමැතියට යටත් වන බවත්, ඉදිරි සතිවලදී විධායක මණ්ඩල රැස්වීම සිදුවනු ඇතැයි අපේක්ෂා කරන බවයි සතිපතා පැවැත්වෙන IMF තීරණ දැනුම්දීමේ මාධ්‍ය සාකච්ඡාවේදී ඇය පවසා සිටියේ.
අදාළ විධායක මණ්ඩලයේ අනුමැතිය සඳහා කරුණු දෙකක් සම්පූර්ණ විය යුතු බවත්, පළමුවැන්න පූර්ව ක්‍රියාමාර්ග ක්‍රියාත්මක කිරීම වන අතර, ප්‍රධාන පූර්ව ක්‍රියාමාර්ග වන්නේ විදුලිය යථා තත්ත්වයට පත් කිරීම, පිරිවැය අයකර ගැනීමේ මිලකරණය සහ ස්වයංක්‍රීය විදුලි මිල ගැලපුම් යාන්ත්‍රණයේ නිසි ක්‍රියාකාරිත්වය සහතික කිරීම බවත් ඇය පැවසුවා.
දෙවැන්න වන්නේ මූල්‍ය සහතික සමාලෝචනය සම්පූර්ණ කිරීම බවත්, එය බහුපාර්ශ්වික හවුල්කරුවන්, ශ්‍රී ලංකාවට කැපවූ මූල්‍ය දායකත්වයන් තහවුරු කිරීම සහ ණය ප්‍රතිව්‍යුහගත කිරීමේදී ප්‍රමාණවත් ප්‍රගතියක් ලබා තිබේද යන්න කෙරෙහි අවධානය යොමු කරනු ඇති බවයි පැවසෙන්නේ.
මේ සඳහා ශ්‍රී ලංකා රජය කඩිනමින් කටයුතු කරනු ඇති බවට අපේක්ෂා කරන බවයි ඇය වැඩිදුරටත් සඳහන් කළේ.
.webp)
.webp)
