Local

රට බංකොළොත් කළ අයගේ ප්‍රජා අයිතිය අහෝසි කරන ලෙස ඉල්ලා මහජන අත්සන් ලබා ගැනීමේ වැඩසටනක්

Friday, 24 November 2023 - 9:53 am

රට බංකොළොත් කිරීමට හේතු වූ පුද්ගලයන්ගේ ප්‍රජා අයිතිය අහෝසි කරන ලෙස ඉල්ලා මහජන අත්සන් ලබා ගැනීමේ වැඩසටහනක් සමගි ජන බලවේගය ආරම්භ කර තිබෙනවා.

රට බංකොළොත් කිරීමට හේතු වූ පුද්ගලයන්ට තවදුරටත් රාජ්‍ය අනුග්‍රහය යටතේ වරදාන, වරප්‍රසාද ලබා නොදෙන ලෙසත්, රට බංකොලොත් වීම නිසා අගතියට පත් ලක්ෂ 220 ක් වූ ජනතාවට වන්දි ලබා දෙන ලෙසත් ඉල්ලා මෙම මහජන අත්සන් ලබා ගැනීම සිදුකරන බවයි එම පක්ෂය සඳහන් කරන්නේ.

අද (23) විපක්ෂ නායක සජිත් ප්‍රේමදාසගේ ප්‍රධානත්වයෙන් අත්සන් ලබාගැනීම කොළඹ කොටුව දුම්රිය ස්ථානය ඉදිරිපිටින් ආරම්භ කර තිබුණා.

හිටපු ජනාධිපතිවරුන් වන මහින්ද රාජපක්ෂ සහ ගෝඨාභය රාජපක්ෂ, හිටපු මුදල් අමාත්‍ය බැසිල් රාජපක්ෂ ඇතුළු පිරිසක් රටේ ආර්ථික පිරිහීමට වගකිවයුතු බව පසුගියදා ශ්‍රේෂ්ඨාධිකරණය තීරණය කර තිබුනා.