Local

දුම්රිය e-ටිකට්පත් වංචා කිරීමේ සිදුවීම වැළැක්වීමට තාක්ෂණික පියවර කිහිපයක් ගැන අවධානය යොමුව තිබෙනවා - දුම්රිය සාමාන්‍යාධිකාරී

Wednesday, 22 January 2025 - 8:45 pm

දුම්රිය e-ටිකට්පත් වංචා කිරීමේ සිදුවීම වැළැක්වීම සඳහා මේ වන විට තාක්ෂණික පියවර කිහිපයක් සඳහා අවධානය යොමුව ඇති බව දුම්රිය සාමාන්‍යාධිකාරී ධම්මික ජයසුන්දර පවසනවා.

ඒ අනුව ඉදිරියේදී අදාළ තාක්ෂණික ක්‍රම ක්‍රියාත්මක කිරීම සම්බන්ධයෙන් සේවා සපයන ආයතන සමඟ සාකච්ඡා කර ඇති බවයි ‘එසැණ’ වෙත අදහස් දක්වමින් දුම්රිය සාමාන්‍යාධිකාරීවරයා සඳහන් කළේ.

එසේම පවතින ඉල්ලුම සඳහා පෙබරවාරි 01 වනදා සිට නුවර සිට ඇල්ලට Ella Odyssey නමින් නව දුම්රියක් සති අන්තයේදී ධාවනයට එක් කරන බවද ඔහු සඳහන් කළා.

සංචාරකයින් පැමිණෙන කාලය ඉලක්ක කර ගනිමින් නානුඔය හා ඇල්ල අතර දිනපතා ධාවනය වන දුම්රියක්ද ධාවනයට එක් කරන බවයි දුම්රිය සාමාන්‍යාධිකාරී ධම්මික ජයසුන්දර වැඩිදුරටත් ප්‍රකාශ කළේ.