Local

ජනපති සිදුකළ ප්‍රකාශයක් ගැන මැතිවරණ කොමිෂන් සභාවෙන් විමර්ශනයක්

Sunday, 20 April 2025 - 4:23 pm

ජනාධිපති අනුර කුමාර දිසානායක විසින් සිදුකරන ලද ප්‍රකාශයක් පිළිබඳව විමර්ශනය කිරීම සඳහා මැතිවරණ කොමිෂන් සභාව රැස්වීමට නියමිතව තිබෙනවා.

ජනාධිපතිවරයා විසින් පසුගිය දිනක මන්නාරම ප්‍රදේශයේ පැවැති ජන හමුවකට එක් වෙමින්, ජාතික ජන බලවේගය ජයග්‍රහණය කරන පළාත් පාලන ආයතන වෙත විශේෂයක් සේ සළකා මුදල් වෙන් කිරීමක් සම්බන්ධයෙන් සිදුකරන ලද ප්‍රකාශය පිළිබඳව තමන්ට පැමිණිලි ලැබී ඇති බවයි මැතිවරණ කොමිෂන් සභාව පැවසුවේ.

එම පැමිණිලි විමර්ශනය කිරීම සඳහා මැතිවරණ කොමිෂන් සභාව 21 වැනිදා රැස්වීමට නියමිත බවයි වැඩිදුරටත් දැක්වෙන්නේ‍.