වකුගඩු රෝගීන්ගේ දීමනාව රුපියල් 10,000 දක්වා වැඩි කරනවා - ජනපති
Monday, 17 February 2025 - 5:00 pm
ජනාධිපති අනුර කුමාර දිසානායක විසින් 2025 අයවැය ප්‍රකාශය මේ වන විට පාර්ලිමේන්තුවට ඉදිරිපත් කරමින් සිටිනවා.
එහි සජීවී යාවත්කාලීන කිරීම් පහතින්.
* 2025 සමාජ ආරක්ෂණ වැඩසටහන වන අස්වැසුම සඳහා බිලියන 232.5 ක් වෙන් කිරීමට කටයුතු කරනවා.
* අස්වැසුමට ඇතුළත් නොවූ පිරිස සඳහා 2025 මැයි මාසයේදී තෝරාගැනීම අවසන් කිරීමට කටයුතු කරනවා.
* වකුගඩු රෝගීන්ගේ දීමනාව රුපියල් 10,000 දක්වා වැඩි කරනවා.
* වැඩිහිටි පුද්ගලයින් සඳහා වන මාසික දීමනාව රුපියල් 5,000 දක්වා වැඩි කිරිමට කටයුතු කරනවා.
* රැඳවුම් නිවාසවල සිටින දරුවන්ට රුපියල් 5,000 ක දීමනාවක් ලබාදීමට කටයුතු කරන අතර, එයින් රු. 2,000 ක් දරුවාගේ ගිණුමේ තැන්පත් කිරීමටත්, රු. 3,000 ක් දරුවාගේ භාරකරුට ලබාදීමටත් කටයුතු කරනවා.
* එම දරුවන්ට විවාහයට පත්වීමේදී නිවාසයක් සාදා ගැනීමට රුපියල් මිලියනයක නිවාසාධාරයක් ලබාදීමටද කටයුතු කරනවා.
