Local

මිලියන 52ක් වටිනා කුෂ් මත්ද්‍රව්‍ය තොගයක් සමඟ පුද්ගලයෙකු ගුවන් තොටුපළේදී අත්අඩංගුවට

Wednesday, 05 March 2025 - 6:56 pm

රුපියල් මිලියන 52ක වටිනාකමකින් යුත් කුෂ් මත්ද්‍රව්‍ය කිලෝග්‍රෑම් 05යි ග්‍රෑම් 200ක් සමග පුද්ගලයෙකු රේගු මත්ද්‍රව්‍ය පාලන ඒකකය මගින් කටුනායක ගුවන් තොටුපළේ දී අත්අඩංගුවට ගෙන තිබෙනවා.

සැකකරු අද (05) අලු‍යම 1.00 ට පමණ තායිලන්තයේ බැංකොක් නුවර සිට මෙරටට පැමිණ ඇති බවයි සඳහන් වෙන්නේ.

ඔහුගේ ගමන් මලු පරික්ෂා කිරීමේ දී එහි තිබූ ආහාර පැකට්ටුවල සූක්ෂ්ම ලෙස සඟවා මෙම මත්ද්‍රව්‍ය රැගෙන විත් ඇති බව හෙළිවුණා.

34 හැවිරිදි අයෙකු වන මෙම සැකකරු වැඩිදුර විමර්ශන සඳහා මත්ද්‍රව්‍ය ද සමඟ පොලිස් මත්ද්‍රව්‍ය නාශක කාර්යාංශය වෙත භාර දී ඇති බවයි වැඩිදුරටත් සඳහන් වෙන්නේ.