නාමල්ට එරෙහි නඩුවකට අදාළව නීතිපති උපදෙස් විමසා ඇති බව නිලධාරීන් අධිකරණයට දැනුම්දෙයි
Friday, 14 February 2025 - 8:04 am
පාර්ලිමේන්තු මන්ත්‍රී නාමල් රාජපක්ෂ ඇතුළු සැකකරුවන් පිරිසකට අදාළව ගත යුතු ක්‍රියාමාර්ගය පිළිබඳව නීතිපති උපදෙස් විමසීමට කටයුතු කර ඇති බව අපරාධ පරීක්ෂණ දෙපාර්තමේන්තුව අද (13) කොළඹ මහෙස්ත්‍රාත් අධිකරණයට දැනුම්දී තිබෙනවා.
ඒ අනුව එම නඩුව අද කැඳවූ අවස්ථාවේදී, මෙම සිද්ධියට අදාළ විමර්ශන අවසන් කොට උදෘත නීතිපති දෙපාර්තමේන්තුව වෙත යොමුකර ඇති බවයි අපරාධ පරීක්ෂණ දෙපාර්තමේන්තුවේ නිලධාරීන් අධිකරණය හමුවේ සඳහන් කළේ.
නීතිපති උපදෙස් මෙතෙක් ලැබී නොමැති බවද එම නිලධාරීන් අධිකරණය හමුවේ සඳහන් කළ අතර, ඒ අනුව පැමිණිල්ල අගෝස්තු මස 07 වනදා යළි කැඳවීමට නියම කළ මහෙස්ත්‍රාත්වරිය, එදින නීතිපති උපදෙස් සම්බන්ධයෙන් අධිකරණයට දැනුම් දෙන ලෙසත් නියෝග කර තිබෙනවා.
පාර්ලිමේන්තු මන්ත්‍රීවරයකු වශයෙන් කටයුතු කරමින් අයථා ලෙස උපයාගත් රුපියල් මිලියන 15ක මුදලක් එන්.ආර්. කන්සල්ටන්සි නමැති සමාගමේ ආයෝජනය කිරීම තුළින් මුදල් විශුද්ධිකරණය වැළැක්වීමේ පනත යටතේ වරදක් සිදුකළේ යැයි නාමල් රාජපක්ෂට එරෙහිව චෝදනා එල්ලවී තිබෙනවා.
.webp)
