Local

බලපත්‍ර නොමැතිව මත්පැන් බෝතල් තොගයක් ළඟ තබාගත් පුද්ගලයෙක් අත්අඩංගුවට

Wednesday, 14 May 2025 - 5:32 pm

බලපත්‍ර නොමැතිව විවිධ වර්ගයේ මත්පැන් බෝතල් තොගයක් ළඟ තබාගත් සැකකරුවෙක් ගල්නෑව ප්‍රදේශයේදී අත්අඩංගුවට ගෙන තිබෙනවා.

ඒ අනුව ‍ඊයේ (13) ගල්නෑව පොලිස් වසමේ, ගල්නෑව නගරයේදී සිදුකළ මෙහෙයුමකදී බලපත්‍ර නොමැතිව ලඟ තබාගෙන සිටි විවිධ වර්ගයේ අරක්කු ‍ලීටර් 54 ක් හා බියර් ලීටර් 33ක් මෙලෙස අත්අඩංගුවට ගෙන ඇති බවයි සඳහන් වෙන්නේ.

අත්අඩංගුවට ගත් සැකකරු වයස අවුරුදු 35 ක් වන නව නගරය, ගල්නෑව ප්‍රදේශයේ පදිංචිකරුවෙක් වන අතර, සිද්ධිය සම්බන්ධයෙන් වැඩිදුර විමර්ශන ක්‍රියාත්මකයි.