Local

මේක දැන් චිකාගෝව වගේ, රටේ කිසිම පාලනයක් නෑ - පාඨලී

Thursday, 24 April 2025 - 9:15 pm

රට තුළ නීතිය හා සාමය මුළුමනින්ම බිඳ වැටීමට ලක්ව ඇති බව එක්සත් ජනරජ පෙරමුණේ නායක පාඨලී චම්පික රණවක පවසනවා.

ඒ අනුව, මේ වසරේ ගතවූ කාලය තුළ පමණක් ඝාතන 37 ක් සිදුව ඇති බවත්, රට මේ වන විට චිකාගෝවක් බවට පත්ව ඇති බවයි ජන හමුවක් අමතමින් හිටපු මන්ත්‍රීවරයා සඳහන් කළේ.

පොලීසියට ලැබිය යුතු දේශපාලන නායකත්වය අද වන විට නොලැබෙන බවත්, පොලීසිය මේ වන විට දෙකට කඩා ඇති බවත් ඔහු පවසා සිටියා.

ජ්‍යෙෂ්ඨත්වයෙන් පහළ පුද්ගලයෙක් පොලිස්පති ධූරයට පත් කිරීම හරහා ඉහළ නිලධාරීන් අතර භේද මතුව ඇති බවද, ආණ්ඩුවට හිතැති පිරිස් උඩට ගෙනැවිත්, මුළු පොලීසියම අවුල් ජාලයක් බවට පත් කර ඇති බවද ඔහු සඳහන් කර සිිටියා.

නීතිය හා සාමය ගොඩනැගීම සම්බන්ධයෙන් ආණ්ඩුව සම්පූර්ණයෙන් අසමත් වී ඇති බවයි පාඨලී චම්පික රණවක වැඩිදුරටත් ප්‍රකාශ කළේ.