Local

ජංගම දුරකථනයක් මිලදීගැනීමේදී TRC හි ලියාපදිංචි ජංගම දුරකථනයක්ද යන්න සැලකිලිමත් වන ලෙස ඉල්ලීමක්

Wednesday, 27 December 2023 - 8:37 pm

ජංගම දුරකථනයක් මිලදීගැනීමේදී අදාළ දුරකථනය විදුලි සංදේශ නියාමන කොමිෂන් සභාවේ ලියාපදිංචි දුරකථනයක්ද යන්න තහවුරු කරගත යුතු බව එහි අනුකූලතා අධ්‍යක්ෂ මේනකා පතිරණ පවසනවා.

ඒ අනුව කෙටි පණිවුඩයක් යොමුකිරීම හරහා ඒ බව තහවුරු කරගත හැකි බවයි මාධ්‍ය වෙත අදහස් දක්වමින් ඇය සඳහන් කළේ.

IMEI ලෙස ටයිප් කර හිස්තැනක් තබා අංක 15කින් යුතු IMEI අංකය ටයිප් කර 1909ට ඕනෑම ජංගම දුරකථන ජාලයක් ඔස්සේ කෙටි පණිවුඩයක් යොමුකිරීම හරහා මෙය තහවුරුකරග හැකි බවයි ඇය වැඩිදුරටත් සඳහන් කළේ.