Local

WHO වෙතින් ඉවත්වීමේ නියෝගයට ඩොනල්ඩ් ට්‍රම්ප් අත්සන් තබයි

Tuesday, 21 January 2025 - 10:12 pm

එක්සත් ජනපදය ලෝක සෞඛ්‍ය සංවිධානයෙන් ඉවත් කිරීමේ නියෝගයට අමෙරිකානු නව ජනපති ඩොනල්ඩ් ට්‍රම්ප් අත්සන් තබා තිබෙනවා.

ගෝලීය සෞඛ්‍ය සංවිධානය කෝවිඩ් වසංගතය සහ අනෙකුත් ජාත්‍යන්තර සෞඛ්‍ය අර්බුද වැරදි ලෙස හසුරවා ඇති බවයි අමෙරිකානු ජනාධිපතිවරයා එම නියෝගයෙන් සඳහන් කර ඇති බවයි විදෙස් මාධ්‍ය වාර්තා කරන්නේ.

මෙම පියවර හේතුවෙන් අමෙරිකාව එහි කටයුතු සඳහා වන සියලුම මූල්‍ය දායකත්වයන්ද නවතා දැමෙන අතර ​ඇමෙරිකාව ලෝක සෞඛ්‍ය සංවිධානයේ විශාලතම මූල්‍ය ආධාරකරුවා වන අතර එහි සමස්ත අරමුදල්වලින් 18% ක් එක්සත් ජනපදය විසින් දර​න බවයි සඳහන් වෙන්නේ.