ඉන්ධනවලට VAT ගැහුවොත් යළි විදුලි ගාස්තු ඉහළ යාමේ හැකියාවක් ඇති බවට අනාවරණය වෙයි
Friday, 08 December 2023 - 5:28 pm
විදුලි ගාස්තු ඉහළ දැමීම සඳහා මහජන උපයෝගීතා කොමිසම අනුමැතිය ලබාදුන් ආකාරය සම්බන්ධයෙන් ගැටලු පවතින බව ආර්ථික අර්බුදයේ බලපෑම සමනය කිරීම පිළිබඳ ආංශික අධීක්ෂණ කාරක සභාවේ සභාපතිවරයා පවසනවා.
ඒ අනුව එහි සභාපති පාර්ලිමේන්තු මන්ත්‍රී ගාමිණී වලේගොඩ සඳහන් කළේ, මෙම රැස්වීම සඳහා විදුලිබල ක්ෂේත්‍රයට අයත් රාජ්‍ය නිලධාරීන් කැඳවා තිබූ නමුත් මහජන උපයෝගීතා කොමිසමේ නිලධාරීන් එයට නොපැමිණ එම රැස්වීම මගහැරීමට කටයුතු කළ බවයි.
විදුලි බිල සංශෝධනය කිරීමට අදාළව නිවැරදි තාක්ෂණික ඇගයීමක් සිදුකර හෝ නිවැරදි මතයක් ඔවුන්ට නොමැති බවත් ඔවුන් සිදුකර ඇත්තේ කැබිනට් මණ්ඩලය විසින් යොමු කළ ගාස්තු වැඩිවීම ඔවුන් අනුමත කිරීම පමණක් සිදුකර ඇති බවයි කාරක සභා සභාපතිවරයා සඳහන් කළේ.
වැට් බද්ද ඉන්ධන සඳහා එක්කළහොත් එයට සාපේක්ෂව විදුලි බිල වැඩි කළ යුතු බවට විදුලිබල මණ්ඩලයේ මතය වී ඇති බවයි සභාපතිවරයා වැඩිදුරටත් සඳහන් කළේ.
