Local

අද රට අර්බුදයක් නැතිව පවත්වාගෙන යනවා..

Monday, 21 October 2024 - 9:27 am

මෙවර ජනාධිපතිවරණ ඡන්ද විමසීමෙන් පසුව මෙරට දේශපාලනය තුළ නව සන්ධිස්ථානයක් ආරම්භ වී ඇතිබව ජනතා විමුක්ති පෙරමුණේ ජාතික විධායක සභික නලීන් හේවගේ මහතා ගාල්ල රත්ගම ප්‍රදේශයේ පැවති රැස්වීමකදී පැවසීය.

මහ මැතිවරණය පැවැත්වීමට පෙරම දූෂිත දේශපාලකඥායින් පරාජය භාර ගෙන තිබේ.

මැතිවරණයට තරග නොකිරීම තුළින් එය පැහැදිලි වෙයි.

රට තුළ දූෂිත දේශපාලනයට ඡන්ද දායකයින් ඉඩ ලබා නොදෙන බව දේශපාලකඥායින් තේරුම් ගෙන තිබේ.

පසුගිය පාර්ලිමේන්තුවේ සිටි දූෂිත දේශපාලකඥායින් කිහිප දෙනෙකු මෙවර මහ මැතිවරණයට ඉදිරිපත් සිටියි.

මැතිවරණයයේදි ඡන්ද දායකයින් ඔවුන්ට නිසිලෙස ප්‍රතිචාර දක්වනු ඇතිබව පැවසීය.

මේ අතර මේවනවිට රටතුළ පාර්ලිමේන්තුව,පළාත් සභාව සහ ප්‍රාදේශීය සභාව නොමැත.

එහෙත් ජනාධිපතිවරයා ඇතුළු තවත් දෙදෙනෙකු මුළු රටම පාලනය කරයි.

එය ඉතා බැරෑරුම් තත්වයකි.

එහෙත් රට මේ වනවිට නිසියාකාරව අර්බුදයකින් තොරව පවත්වාගෙන යන බව වැඩිදුරටත් පැවසීය.