වෛද්‍යවරුන්ගේ ස්ථාන මාරුවලට මැදිහත් වූ බාහිර පුද්ගලයෙක් ගැන CID විමර්ශන ආරම්භ කරයි
Saturday, 22 March 2025 - 1:52 pm
වෛද්‍යවරුන්ගේ ස්ථාන මාරුවලට මැදිහත් වූ බාහිර පුද්ගලයෙක් සම්බන්ධයෙන් අපරාධ පරීක්ෂණ දෙපාර්තමේන්තුව පරීක්ෂණයක් ආරම්භ කර තිබෙනවා.
සෞඛ්‍ය අමාත්‍යංශයේ වෛද්‍යවරුන්ගේ පෞද්ගලික ලිපිගොනු පරීක්ෂා කරමින්, වෛද්‍යවරයකු හෝ සෞඛ්‍ය සේවකයකු නොවන අදාළ පුද්ගලයා ස්ථාන මාරුවලට මැදිහත් වී ඇති බවයි සඳහන් වෙන්නේ.
ඒ අනුව වෛද්‍යවරුන්ගෙන් ලැබුණු පැමිණිලි කිහිපයකට අනුව අපරාධ පරීක්ෂණ දෙපාර්තමේන්තුව පරීක්ෂණ ආරම්භ කර ඇති අතර, අදාළ පුද්ගලයාගෙන් ඊයේ (20) ප්‍රකාශ සටහන් කරගෙන තිබෙනවා.
අදාළ පුද්ගලයා වසර 10කට ආසන්න කාලයක් මෙසේ වෛද්‍යවරුන්ගේ රාජකාරි කටයුතුවලට මැදිහත් වී ඇති බවත්, ඔහුට සෞඛ්‍ය අමාත්‍යංශයේ වෙනම රාජකාරි කාමරයක් ද වෙන්කර දී ඇති බවටත් අනාවරණය වී තිබෙනවා.
සිද්ධිය සම්බන්ධයෙන් තවදුරටත් ප්‍රකාශ සටහන් කර ගැනීමට නියමිත අතර, අපරාධ පරීක්ෂණ දෙපාර්තමේන්තුව වැඩිදුර විමර්ශන සිදු කරන බවයි වැඩිදුරටත් සඳහන් වන්නේ.
.webp)
