ක්‍රිෂ් ගනුදෙනුව සම්බන්ධයෙන් පාර්ලිමේන්තු මන්ත්‍රී නාමල් රාජපක්ෂ මහතාට එරෙහි නඩුව විභාග කරන දෙවන විනිසුරුවරයා වන මහාධිකරණ විනිසුරු සුජීව නිශ්ශංකත් එම නඩු විභාගයෙන් ඉවත් වී තිබෙනවා.
මෙම නඩුව විභාග කළ විනිසුරු මංජුල තිලකරත්න ද එම නඩුවෙන් ඉවත්වන බව මීට පෙර දැනුම්දුන් අතර, ඉන් අනතුරුව එම නඩුව මහාධිකරණ විනිසුරු සුජීව නිශ්ශංක ඉදිරියේ කැඳවා තිබුණා.
පසුව තමන් මෙම නඩු විභාගයෙන් ඉවත් වන බව විනිසුරු සුජීව නිශ්ශංක ප්‍රකාශ කර ඇති අතර, ඒ අනුව මෙම නඩුවට සුදුසු විනිසුරුවරයෙකු නම් කිරීම සඳහා එය මැයි මස 21 වන දා කොළඹ ප්‍රධාන මහාධිකරණ විනිසුරු ආදිත්‍ය පටබැඳිගේ ඉදිරියේ කැඳවන ලෙසයි වැඩිදුරටත් නියෝග කර තිබෙන්නේ.
