Local

දුම්වැටි තොගයක් සමඟ ගුවන් මගීන් දෙදෙනෙකු අත්අඩංගුවට

Thursday, 06 March 2025 - 9:46 pm

විදේශීය නිෂ්පාදිත දුම්වැටි තොගයක් නීති විරෝධී ලෙස මෙරටට රැගෙන විත්, කටුනායක ගුවන් තොටුපොළෙන් පිට කරගෙන යමින් සිටි ගුවන් මගීන් දෙදෙනෙකු අත්අඩංගුවට ගෙන තිබෙනවා.

ඔවුන් දෙදෙනා ඩුබායි සහ සාජා සිට කටුනායක ගුවන් තොටුපොළ වෙත පැමිණ ඇති බවයි සඳහන් වන්නේ.

ඔවුන් රැගෙන පැමිණි ගමන් මලු‍ තුළ විදේශීය නිෂ්පාදිත විවිධ වර්ගයේ දුම්වැටි 39,200ක් අඩංගු දුම්වැටි කාටූන් 196ක් සොයාගත් බවයි පොලිස් මත්ද්‍රව්‍ය කාර්යාංශයේ නිලධාරීන් සඳහන් කළේ.

එලෙස ගෙනා දුම්වැටි තොගයේ වටිනාකම රුපියල් පනස් අට ලක්ෂ අසූ දහසක් පමණ වන බවද සඳහන්.

නිට්ටඹුව ප්‍රදේශයේ පදිංචි කාන්තාවක් සහ 23 හැවිරිදි තරුණයෙක් මෙලෙස අත්අඩංගුවට ගෙන තිබෙනවා.