Local

කොළඹ වරායේ නැගෙනහිර පර්යන්තයේ මෙහෙයුම් ජුනි පළමුවැනිදා සිට

Friday, 08 December 2023 - 5:24 pm

කොළඹ වරායේ නැගෙනහිර පර්යන්තයේ මෙහෙයුම් කටයුතු ලබන වසරේ ජුනි 01 සිට ආරම්භ කරන බව වරාය නාවික හා ගුවන් සේවා අමාත්‍යාංශය පවසනවා.

නවීනතම දොඹකර 06 ක් මගින් බහාලුම් මෙහෙයුම් කටයුතු සිදු කෙරෙන බවයි අමාත්‍යාංශ ලේකම් කේ.ඩී.එස්. රුවන්චන්ද්‍ර මහතා සඳහන් කරන්නේ.

මේ වනවිට නැගෙනහිර පර්යන්තයේ ඉදිකිරීම් කටයුතු වලින් 80% ක් පමණ අවසන් බවත්, මෙහි ඉදිකිරීම් සඳහා අමෙරිකා ඩොලර් මිලියන 825 ක් වැය කර ඇති බවත් ඔහු වැඩිදුරටත් පවසා සිටිනවා.