Local

සහල් වැඩි මිලට අලෙවිකරන්නන් සහ සඟවා තබන්නන් සොයා මෙහෙයුම්

Thursday, 13 February 2025 - 12:46 pm

වෙළෙඳපොළේ සහල් වැඩිමිලට අලෙවිකරන සහ සඟවාතබන වෙළෙඳුන් සොයා දිවයින පුරා දිස්ත්‍රික්ක වලට අනුයුක්ත විමර්ශන නිලධාරීන් විසින් අඛණ්ඩව වැටලීම් සිදුකරන බව පාරිභෝගික කටයුතු අධිකාරිය පවසනවා.

ඒ අනුව, වැඩිමිලට සහල් අලෙවිකරනු ලබන බවට වාර්තා වන සහ පැමිණිලි ලැබෙන ප්‍රදේශවලට විශේෂ කණ්ඩායම්ද යෙදවීමට කටයුතු කර ඇති බවයි එම දෙපාර්තමේන්තුව සඳහන් කළේ.

සහල් සඟවාතැබීම සම්බන්ධව සිදුකරන වැටලීම් ද තවදුරටත් ක්‍රියාත්මක වන අතර පසුගිය 10 වනදා පිටකොටුව ප්‍රදේශයේ සිදුකරන ලද එවැනි වැටලීමකදී කීරි සම්බා කිලෝග්‍රෑම් පහේ අසුරන 3,000 ක්ද නිලධාරීන් විසින් සිය භාරයට ගෙන නඩු පවරා ඇති බවයි වැඩිදුරටත් සඳහන් වෙන්නේ.