Local

යුක්තිය මෙහෙයුම තාවකාලිකව නතර කෙරේ

Sunday, 24 December 2023 - 10:06 am

මත්ද්‍රව්‍ය ජාවාරම්කරුවන් සහ අපරාධ කල්ලි සාමාජිකයින් අත්අඩංගුවට ගැනීම සඳහා පොලීසිය විසින් ක්‍රියාත්මක කරන යුක්තිය මෙහෙයුම දින කිහිපයක් තාවකාලිකව නතර කිරීමට නීරණය කර තිබෙනවා.

ඒ අනුව අද (24) හෙට සහ අනිද්දා දිනවල මෙම මෙහෙයුම ක්‍රියාත්මක නොවන බවයි පොලිස් මාධ්‍ය ප්‍රකාශක ජ්‍යේෂ්ඨ පොලිස් අධිකාරී නීතිඥ නිහාල් තල්දූව සඳහන් කළේ.

උත්සව සමය වෙනුවෙන් පොලිස් නිලධාරීන් විශේෂ රාජකාරී කටයුතු සඳහා යෙදවීමට අවශ්‍ය බැවින් මෙලෙස මෙම මෙහෙයුම තාවකාලිකව නතර කරන බවයි ඔහු වැඩිදුරටත් සඳහන් කළේ.