Local

මිද්දෙණිය වෙඩි තැබීමෙන් තුවාල ලබා සිටි පිරිමි දරුවාත් මරුට

Wednesday, 19 February 2025 - 11:32 am

මිද්දෙණිය ප්‍රදේශයේ සිදුකළ වෙඩි තැබීමෙන් බරපතළ තුවාල ලබා රෝහල්ගත කර සිටි පිරිමි දරුවා ද මියගොස් තිබෙනවා.

මෙලෙස මියගොස් ඇත්තේ 09 හැවිරිදි පිරිමි දරුවෙක් බවයි පොලීසිය සඳහන් කළේ.

ඔහු ඇඹිලිපිටිය රෝහලේ දැඩි සත්කාර ඒකකයේ ප්‍රතිකාර ලබමින් සිටිය දී අද (19) මෙලෙස මියගොස් ඇති බවයි වැඩිදුරටත් සඳහන් වෙන්නේ.

ඊයේ රාත්‍රි​යේ මිද්දෙණිය, කඩේවත්ත හන්දිය ප්‍රදේශයේ දී යතුරු පැදියකින් ගමන් කරමින් සිටි පුද්ගලයෙකුට නාඳුනන පුද්ගලයින් පිරිසක් විසින් වෙඩි තැබීමක් සිදුකර තිබූ අතර, සිද්ධියෙන් පියා සහ දියණිය මියගොස් තිබුණා.