Local

ගංවතුරෙන් සිදුවූ වගා හානි සඳහා වන්දි මේ මස අවසානයේදී ලබාදීමට පියවර

Thursday, 16 January 2025 - 9:33 pm

පසුගිය නොවැම්බර් මාසයේ ඇතිවූ ගංවතුර තත්ත්වයෙන් හානිවූ වගාවන් සඳහා වන්දි මේ මස අවසානයේ ලබාදෙන බව කෘෂිකර්ම හා ගොවිජන රක්ෂණ මණ්ඩලය පවසනවා.

වගා හානි පිලිබ​ඳ තක්සේරු කිරීම් 95% ක් පමණ මේ වනවිට අවසන් කර ඇති බවයි එහි සභාපති ප්‍රේමසිරි ජාසිංආරච්චි සඳහන් කළේ.

යාපනය, කිළිනොච්චිය, ත්‍රිකුණාමලය සහ මන්නාරම ආදී ප්‍රදේශවල වගා හානි තක්සේරුකිරීම් මේ වනවිට අවසන් අදියරේ පවතින බවයි සඳහන් වෙන්නේ.

ඒ අනුව ගොවිජන සංවර්ධන මධ්‍යස්ථාන වලින් අවසන් නිර්දේශිත වන්දි ලේඛන වාර්තා ලැබුණු පසු අදාළ මුදල් ගොවීන්ගේ බැංකු ගිණුම් වෙත බැර කිරීමට කටයුතු කරන බවයි ඔහු වැඩිදුරටත් සඳහන් කළේ.