Local

තානාපති සේවයේ දේශපාලන ඥාති හිතවතුන් සියලු පත්වීම් අවලංගුයි.. වහාම ආපසු කැදවයි…

Sunday, 29 September 2024 - 9:38 am

ශ්‍රී ලංකා රජයේ විදේශ තානාපති කාර්යාල සේවාවන්ට පත්කර ඇති සියලු දේශපාලන පත්වීම් වහාම අවලංගු කර ඔවුන් මෙරටට ආපසු කැඳවීමට ජනාධිපති අනුර දිසානායක මහතා තීරණය කර තිබේ.

හිටපු මැති ඇමතිවරුන්ගේ ඥාතීන් හිතවතුන් ඇතුළු බොහෝ ඇතුළු පිරිස් මෙලෙස දේශපාලන පත්කිරීම් ලැබ එම රටවලට ගොස් සිටී.

ඔවුන් කිසිදු රාජතාන්තික දැනුමක් හෝ පළපුරුද්දක් සහිත අය නොවන බවද හෙලි වී ඇත.

එවන් පත් කිරීම් විදේශ තානාපති කාර්යාල වලට කිසිදු ප්‍රයෝජනයක් නොවන බවද විදේශ සේවයේ නිලධාරින් පෙන්වා දී තිබේ.

ඒ අනුව ඉදිරි දින කිහිපයේදී මෙම දේශපාලන හිතවත්කම් මත සිදුකර ඇති සියලු පත්කිරීම් අහෝසි කර එම පුද්ගලයන් මෙරටට කැඳවීමට නියමිතව ඇත.