Local

සංවිධානාත්මක අපරාධකරුවන් සම්බන්ධ නඩු අධිකරණයෙන් බැහැර ස්ථානයකදී පැවැත්වීමට සැලසුම්

Thursday, 20 February 2025 - 1:21 pm

විවිධ චෝදනා මත අත්අඩංගුවට ගෙන සිටින සංවිධානාත්මක අපරාධකරුවන් සම්බන්ධ නඩු විභාගයන් ඉදිරියේදී  අධිකරණයෙන් බැහැරව සිදු කිරීමට අවධානය යොමුකර ඇති බව ආරක්ෂක අමාත්‍යංශය පවසනවා.

ඒ අනුව ඒ පිළිබඳව අධිකරණ අමාත්‍යාංශය සමග සාකච්ඡා කිරීමට නියමිත බවයි මහජන ආරක්ෂක අමාත්‍ය ආනන්ද විජේපාල සඳහන් කළේ.

අධිකරණ පරිශ්‍රයට පිවිසෙන පුද්ගලයින් පිළිබඳ සොයා බැලීමේ ක්‍රමවේදයේ යම් දුර්වලතාවයක් පැවතුණේ නම් ඉදිරියට එවැන්නක් සිදු නොවීමට ඒ පිළිබඳ දැඩි අවධානය යොමු කරන බවයි අමාත්‍යවරයා වැඩිදුරටත් ප්‍රකාශ කළේ.