Local

ශ්‍රී ලාංකික ජනතාව ජනපතිට ඓතිහාසික ජයග්‍රහණයක් ගෙන දීමට පෙළ ගැසෙමින් සිටිනවා – එජාප සභාපති වජිර අබේවර්ධන

Wednesday, 28 February 2024 - 7:33 am

ජාතික නායකයකු ලෙස ජනාධිපති රනිල් වික්‍රමසිංහ ලංකා ඉතිහාසයේ වාර්තාගත ඡන්ද සංඛ්‍යාවක් ලබා ගනිමින් නැවත ජනාධිපති ධුරයට පත්වෙන බව එක්සත් ජාතික පක්ෂ සභාපති, පාර්ලිමේන්තු මන්ත්‍රී වජිර අබේවර්ධන පැවසීය.

එය දේශපාලනයෙන් තොර ක්‍රියාවලියක් බවද කීය.

ගාල්ල, කෝන්ගහ ක්‍රෙසන්ට් ක්‍රීඩා සමාජය විසින් පසුගිය 25 දා සංවිධාන කර තිබූ පාපන්දු තරගයේ ත්‍යාග ප්‍රදානෝත්සවය සඳහා සහභාගී වූ අවස්ථාවේදී මාධ්‍ය වෙත අදහස් දක්වමින් මේ බව සඳහන් කළේය.

මාධ්‍යවේදීන් ඇසූ ප්‍රශ්නවලට පිළිතුරු දෙමින් මෙසේද පැවසුවේය.

Òවිධායක ජනාධිපති ධුරය අහෝසි කිරීම වැනි විහිළු කතාත් ඇතැම් දේශපාලකයන් ප්‍රකාශ කරනවා. 1978දී හඳුන්වා දුන් මේ විධායක ජනාධිපති ධුරය සමඟ පාර්ලිමේන්තු ක්‍රමයත්, පළාත් සභා ක්‍රමයත්, පළාත් පාලන ආයතන ක්‍රමයත් සියල්ල එකට බද්ධ වී තිබෙනවා. නියමිත වෙලාවට ජනාධිපතිවරණය පවත්වන බව මේ වර්ෂය ආරම්භ වන විටම ජනපතිතුමා ප්‍රකාශ කළා. මැතිවරණය නියමිත වෙලාවට ප්‍රකාශයට පත් වේවි. ශ්‍රී ලාංකික මහජනතාව ජනපතිතුමාට ඓතිහාසික ජයග්‍රහණයක් ලබා දීමට මේ වන විටත් පෙළ ගැසෙමින් තිබෙනවා.

ශ්‍රී ලංකාව ලෝකය හමුවේ ඉදිරියට ගෙනියන්න නම් ඒ තත්ත්වයෙන් ලංකාවේ දේශපාලන පක්ෂ වෙනස් විය යුතුව තිබෙනවා. ඒ වගේම ශ්‍රී ලාංකේය දේශපාලනයේ නව පියවරක් තැබිය යුතුව තිබෙනවා. දැන් ඒ නව පියවර තනි පුද්ගලයෙක් හැටියට රනිල් වික්‍රමසිංහ නමැති ජාතික නායකයා තබා තිබෙනවා. රනිල් වික්‍රමසිංහ ඒ වැඩේ කරන්නේ ලෝකය පිළිගත් ජාත්‍යන්තර මූල්‍ය ආයතන සමඟ සාකච්ඡා කර, කොහොමද ශ්‍රී ලාංකික ණය ගෙවන්නේ, කොහොමද ණය ගෙවන ගමන් ශ්‍රී ලාංකික මහජනතාව ආරක්ෂා කරන්නේ යන තීරණ ගෙන තිබෙනවා. ඉතින් මේ ක්‍රියාදාමය හරහා ගත්ත තීරණ කිහිපයකින් එකක් තමයි අස්වැසුම. අනිත් පැත්තෙන් වැටුණු ආර්ථිකයේ ඉන්න මහජනතාවට අවශ්‍ය සහන ලබා දෙන්නේ ජාත්‍යන්තර ගිවිසුම්වලට අනුකූලවයි.

රනිල් වික්‍රමසිංහ ජනපති ධුරය භාරගත්තාට පසුව සමරන්න බැරි වුණු සියලු ජාතික උත්සව සමරන්න ශ්‍රී ලාංකික මහජනයාට හැකි වුණා. මේ කතා කරන අවස්ථාවේදීත් ලංකාවේ සෑම හෝටලයක්ම දෙස් විදෙස් සංචාරකයන්ගෙන් පිරී ඉතිරී ගිහින් තිබෙනවා. මේ තත්ත්වය නැවත වෙනස් කරන්න කාටවත් ඉඩ නොදිය යුතුයි.

ජාතික නායකයකු හැටියට රනිල් වික්‍රමසිංහ ලංකා ඉතිහාසයේ වාර්තාගත ඡන්ද සංඛ්‍යාවක් ලබා ගනිමින් නැවත ජනාධිපති ධුරයට පත්වෙනවා. ඒක දේශපාලනයක් නොවෙයි. දේශපාලනයෙන් තොර ක්‍රියාවලියක් කියලා මම කියන්න කැමැතියි.


Top Stories
wedivistara

Clean Sri Lanka වැඩසටහනට සමගාමීව කොළඹ වාහන දුම් පරීක්ෂා කිරීම සම්බන්ධ වැටලීම් අද සිට

wedivistara

අධිකරණ නියෝගයක් ක්‍රියාත්මක නොකිරීම සම්බන්ධයෙන් හිටපු ජනාධිපති මෛත්‍රීට නොතීසි

wedivistara

අධිවේගී මාර්ගයට යළිත් STF යෙදවීමට පියවර

wedivistara

පළාත් පාලන ඡන්ද විමසීම සඳහා නව ඡන්ද දායකයින් 155,976 දෙනෙකු සුදුසුකම් ලබයි

wedivistara

පාසල් නිවාඩුවට සහ ශ්‍රී පාද වන්දනාවට විශේෂ දුම්රිය ධාවන සැලැස්මක්

wedivistara

ශ්‍රේණිගත වෛද්‍ය ස්ථාන මාරු අයැදුම් කාලය දීර්ඝ කරයි

Trending
wedivistara

අපේ වගේ නෙමෙයි, Al Jazeera පැය දෙකක් විතර අරගෙන පැයයි දාලා තියෙන්නේ හොද කරුණු නෑ. - රනිල් මාධ්‍යයට කියයි

wedivistara

සෞඛ්‍ය ඇමති සමඟ සාකච්ඡාවෙන් පසු වර්ජනය තාවකාලිකව අත්හිටුවන ලදී.

wedivistara

මුහුදුබඩ මාර්ගයේ දුම්රිය පීලි පැනීමක්

wedivistara

ශ්‍රී ලංකාව අත්කරගෙන ඇති කැපී පෙනෙන ප්‍රගතිය පිළිබඳව සුබ පතනවා - IMF කළමනාකාර අධ්‍යක්ෂවරිය

wedivistara

දේශබන්දු පිළිබඳ තොරතුරක් ඇතොත් CID වෙත දැනුම්දෙන්​න - පොලීසිය

wedivistara

සෞඛ්‍ය වෘත්තීයවේදීන්ගේ වැඩ වර්ජනය කල් දමයි


NEWS ALERT