මත්පෙති ජාවාරමුන් අත්අඩංගුවට ගත් පසු ආණ්ඩුකාරවරයා පොලිසියට..
Monday, 16 September 2024 - 11:47 am
ඌව පළාත් ආණ්ඩුකාර අනුර විදානගමගේ මහතා මහියංගන පොලිසියට පැමිණ යම් උණුසුම්කාරී කලාකාරී තත්වයක් ඇතිකර තිබෙන බව වාර්තා වෙයි.
ඒ මත්පැති ජාවාරම් කිරීමේ සිදුවීමක් සම්බන්ධයෙන් සැකකරුවන් දෙදෙනෙකු ගැනීමේදී ඊට බාධා කල කාන්තාවක් කල දැනුම් දීමක් මතයි.
අදාල සැකකරුවන් අත්අඩංගුවට ගෙන ඇත්තේ මහියංගන රජමහා විහාරයේ පෙරහර මංගල්‍යයට සමගාමීව පැවති සැණකෙළියක් අතරතුරේදීය.
අත්අඩංගුවට ගත් සැකකරුවන්ගේ සහෝදරියන් හා ඥාති කාන්තාවන් පිරිසක් පොලිස් රාජකාරියට බාධා කරමින් හැසිරී තිබේ.
එහි සිටි එක් කාන්තාවක් ඌව පළාත් ආණ්ඩුකාරවරයාට දුරකථනයෙන් අමතා තමන්ව අත්අඩංගුවට ගැනීමට සැරසෙන බව දැනුම් කල දැනුම් දීමකට අනුව ආණ්ඩුකාරවරයා පොලිසියට පැමිණ මේ පිළිබඳව විමසා තිබේ.
අත්අඩංගුවට ගත් සැකකරුවන් කලක් තිස්සේ මෙම ජාවාරම සම්බන්ධයෙන් සොයමින් සිටි අය බවත් පොලිසිය පැවසීමේදී ආණ්ඩුකාරයා දන්වා ඇත්තේ රාජකාරී කිරීමේදී අදාළ නොවන පුද්ගලයන්ට බලපෑම නොකරන බවයි.
