Local

මධ්‍යම අධිවේගයේ කඩවත - මීරිගම කොටස ඉදිකිරීම ගැන ජනාධිපතිවරයා සමග සාකච්ඡා කරනවා - ප්‍රවාහන අමාත්‍යාංශය

Wednesday, 26 March 2025 - 9:51 pm

මධ්‍යම අධිවේගී මාර්ගයේ කඩවත - මීරිගම අතර කොටස ඉදිකිරීම සම්බන්ධයෙන් ජනාධිපතිවරයා සමග සාකච්ඡා කරන බව ප්‍රවාහන හා මහාමාර්ග අමාත්‍යාංශය පවසනවා.

එම සාකච්ඡාවෙන් අනතුරුව එම කොටසේ ඉදිකිරීම් පිළිබඳව අවසන් තීරණයකට එළඹෙන බවයි නියෝජ්‍ය අමාත්‍ය වෛද්‍ය ප්‍රසන්න ගුණසේන සඳහන් කරන්නේ.

චීන එක්සිම් බැංකුවේ ණය ආධාර මත ආරම්භ කළ කඩවත - මීරිගම කොටසේ ඉදිකිරීම් මේ වනවිට අතරමග නතර වී තිබෙනවා.

එම ඉදිකිරීම් වසර 10ක් ප්‍රමාද වීම හේතුවෙන් දෛනිකව ප්‍රමාද ගාස්තු ගෙවීමට සිදු වී ඇති බවයි නියෝජ්‍ය අමාත්‍යවරයා වැඩිදුරටත් පවසා සිටියේ.