Local

විදේශ අමාත්‍ය අලි සබ්‍රි ඊජිප්තුවේ චාරිකාවක්

Thursday, 08 August 2024 - 7:49 pm

ඊජිප්තු විදේශ අමාත්‍ය Badr Abdelatty මහතාගේ ආරාධනය මත ශ්‍රී ලංකා විදේශ අමාත්‍ය අලි සබ්‍රි මහතා 2024 අගෝස්තු 07 සිට 09 දක්වා ඊජිප්තුවේ නිල සංචාරයක නිරතවන බව ශ්‍රී ලංකා විදේශ අමාත්‍යංශය සදහන් කරයි.

මෙම චාරිකාවේ දී අමාත්‍යවරයා, කයිරෝ හි විදේශ කටයුතු අමාත්‍යාංශයේදී සිය දූත පිරිස සමඟ ද්විපාර්ශ්වික සාකච්ඡා පැවැත්වීමට නියමිත අතර ඊජිප්තුවේ ආයෝජන සහ විදේශ වෙළෙඳ අමාත්‍යවරයා ද හමුවීමට නියමිතය. දෙරට අතර බහුවිධ සබඳතා ශක්තිමත් කර ගැනීමේ අරමුණින් අමාත්‍ය සබ්‍රි මහතා ඊජිප්තු වාණිජ මණ්ඩල සම්මේලනයේ දී සාකච්ඡා කිරීමට සහ තවත් අමුත්තන් කිහිප දෙනෙකු හමුවීමට ද අපේක්ෂා කෙරේ.

ශ්‍රී ලංකාව සහ ඊජිප්තුව අතර දීර්ඝ කාලීන සබඳතා තවදුරටත් තහවුරු කර ගැනීම මෙම චාරිකාවේ දී අපේක්ෂා කෙරේ.