එළැඹෙන යල කන්නයේ හෙක්ටයාර් 500ක කීරි සම්බා වගා ව්‍යාපෘතියක්
Sunday, 17 March 2024 - 8:08 am
එළැඹෙන යල කන්නයේ දී හෙක්ටයාර් 500ක කීරි සම්බා විශේෂ ව්‍යාපෘතියක් ක්‍රියාත්මක කිරීමට කෘෂිකර්ම හා වැවිලි කර්මාන්ත අමාත්‍යාංශය තීරණය කර තිබෙනවා
අමාත්‍ය මහින්ද අමරවීරගේ ප්‍රධානත්වයෙන් කීරි සම්බා වගා කිරීම සම්බන්ධව පැවති සාකච්ඡාවකදීයි අදාළ තීරණය ගෙන ඇත්තේ
මෙම ව්‍යාපෘතිය වී අලෙවි මණ්ඩලය, ගොවිජන සංවර්ධන දෙපාර්තමේන්තුව හා ගොවි භාරකාර අරමුදල ඒකාබද්ධව ක්‍රියාත්මක කරනු ලබන බව සඳහන්.
එමෙන්ම දැනට කීරි සම්බා වගා නොකරන ප්‍රදේශවල මෙම ව්‍යාපෘතිය ක්‍රියාත්මක කිරීමට පියවර ගන්නා ලෙස ද අමාත්‍යවරයා එහිදී උපදෙස් ලබා දී තිබෙනවා
ඒ අනුව හම්බන්තොට දිස්ත්‍රික්කයේ හා රත්නපුර දිස්ත්‍රික්කයේ උඩවලව කළාපයේ තෝරා ගන්නා කුඹුරු හෙක්ටයාර් 500ක කීරි සම්බා වගාව සිදු කරන අතර එම වගාව සඳහා තෝරාගන්නා ගොවීන්ට බිත්තර වී ඇතුළු පහසුකම් නොමිලයේ ලබා දීමට පියවර ගන්නා බව සඳහන්
එමෙන්ම පැරෂුට් තාක්ෂණය උපයෝගි කර ගනිමින් වගා කිරීමට නියමිත අතර කෘමිනාශක හා වල්නාශක මෙන්ම පොහොර යෙදීම ද ඩ්‍රෝන තාක්ෂණය උපයෝගි කර ගනිමින් සිදු කිරීමටයි සැලසුම් කර ඇත්තේ
