Local

දූෂකයා අත්අඩංගුවට ගන්නා ලෙස ඉල්ලා අද දිවයින පුරා වෛද්‍යවරුන් සංකේත වර්ජනයක

Wednesday, 12 March 2025 - 5:41 pm

අද (12) දිවයින පුරා සංකේත වැඩ වර්ජනයකට යොමුවීමට රජයේ වෛද්‍ය නිලධාරීන්ගේ සංගමය තීරණය කර තිබෙනවා.

ඒ අනුව අනුරාධපුර ශික්ෂණ රෝහලේ වෛද්‍යවරියක් දූෂණය කිරීමේ සිද්ධියට විරෝධය පළ කරමින් සහ අදාළ පුද්ගලයා මේ වන තෙක් අත්අඩංගුවට නොගැනීමට විරෝධය පළ කරමින් මෙම සංකේත වැඩ වර්ජනය ක්‍රියාත්මක කර ඇති බවයි සඳහන් වෙන්නේ.

අද පෙරවරු 8.00 සිට පැය 24 ක කාලයක් මෙම වර්ජනය ක්‍රියාත්මක කිරීමට නියමිත බවයි සඳහන් වෙන්නේ.

අදාළ වර්ජන කාලය තුළ හදිසි ප්‍රතිකාර සේවා කිසි ලෙසකින් අඩාල නොවන පරිදි අඛණ්ඩව සිදුකරන බවද, ළමා රෝහල්, මාතෘ රෝහල්, වකුගඩු ප්‍රතිකාර ඒකක, ජාතික මානසික සෞඛ්‍ය විද්‍යායතනය සහ ත්‍රිවිධ හමුදා රෝහල්ව‍ල මෙම වැඩ වර්ජනය ක්‍රියාත්මක නොවන බවද වැඩිදුරටත් සඳහන්.