Local

රනිල් කුමන්ත‍්‍රණයක..

Wednesday, 16 October 2024 - 12:52 pm

ගම්පහ දිස්ත්‍රික්කයෙන් සමගි ජන බලවේග අපේක්‍ෂකයෙකු ලෙස නාම යෝජනා බාර දුන් දිනට පසු දිනම අජිත් මාන්නපෙරැම මහතා ඉන් ඉවත් වූයේ හිටපු ජනාධිපති රනිල් වික්‍රමසිංහ මහතා සමග කුමන්ත්‍රණයක යෙදෙමින් බව හිටපු පාර්ලිමේන්තු මන්ත්‍රී ගම්පහ දිස්ත්‍රික් අපේක්ෂක හර්ෂණ රාජකරුණා මහතා සඳහන් කරයි.

ඔහු පෙන්වා දෙන්නේ රනිල් වික්‍රමසිංහ මහතා ජනාධිපති කළ යුතු බවට අජිත් මාන්නපෙරුම මහතා පසුගිය කාලයේ මතයක් ගෙන ගිය බවත් සජිත් ප්‍රේමදාස මහතා වෙනුවෙන් කැපවූයේ නැති බවටත්ය.

ඒ හේතුවෙන් මාන්නපෙරැම මහතා මෙවර මැතිවරණයෙන් ඉවත්වීම වික්‍රමසිංහ හිටපු ජනාධිපතිවරයා සමග කළ කුමන්ත්‍රණය කොටසක් බවද හෙතෙම කියා සිටියේය.

සමගි ජන බලවේග ප්‍රධාන කාර්යාලය පැවැති මාධ්‍ය හමුවකදී ඔහු මේ බව කියා සිටියේය.