Local

රජය වීවලට සහතික මිලක් දාන්නේ නැත්තේ සහල් පාලන මිල ඉහළ යන නිසා - කේ.බී. ගුණරත්න

Friday, 31 January 2025 - 6:46 pm

රජය වී සඳහා සහතික මිලක් නියම කිරීමට කටයුතු නොකරන්නේ සහල් පාලන මිල ඉහළ යනු ඇති බවට පවතින බිය හේතුවෙන් බව හිටපු කෘෂිකර්ම අධ්‍යක්ෂ කේ.බී ගුණරත්න පවසනවා.

ඒ අනුව මේ වනවිට වී අස්වැන්නෙන් 30% - 35% ක් අතර ප්‍රමාණයක් නෙළා අවසන් බවයි මාධ්‍ය හමුවකට එක්වෙමින් ඔහු සඳහන් කළේ.

සහතික මිලක් නියම කළහොත්, පවතින පාලන මිල ඉහළ දැමීමට සිදුවන බවත්, වී සඳහා රුපියල් 120 ක සහතික මිලක් නියම කළහොත් සහල් කිලෝවක පාලන මිල රුපියල් 240 - 250 අතර ගණනකට ගෙන ඒමට රජයට සිදුවන බවයි ඔහු වැඩිදුරටත් ප්‍රකාශ කළේ.