IMF සංවාදයට අනුර නොඑන බව කියයි.. තනිව කතා කරනවාලු..
Thursday, 29 August 2024 - 12:35 pm
ජාත්‍යන්තර මුල්‍ය අරමුදල සමග සජීව සංවාදයකට ජනාධිපති රනිල් වික්‍රමසිංහ මහතා විසින් සිදු කරන ද අභියෝගයට ජාතික ජන බලවේගය ප්‍රතිචාර දක්වයි.
එහි ජාතික විධායක සභික සුනිල් හදුන්නෙත්ති මහතා පවසන්නේ ජාතික ජන බලවේග ආණ්ඩුවක් යටතේ ජාත්‍යන්තර මූල්‍ය අරමුදල සමග අවශ්‍ය පරිදි සාකච්ඡා කර ගැනීමට සූදානම් බවයි.
ජනාධිපතිවරයා විසින් සිදු කරන ලද අභියෝගය භාර ගන්නා බවක් හෝ නොගන්නා බවක් සෘජුව නොපැවසූයස ඔහු එහි පෙන්නුම් කරන ලද්දේ එම සංවාදයට පක්‍ෂ නායකයා සහභාගී නොවන අදහසකි.
අදාළ සංවාදය සඳහා සජිත් ප්‍රේමදාස මහතාගේ පාර්ශවය සම්බන්ධ වීමට සූදානම් බව දැනටමත් දැනුම්දී තිබේ.
ජාත්‍යන්තර මුල්ලේ අරමුදල සමග වන එකඟතා ගිවිසුම වෙනස් කිරීම සම්බන්ධයෙන් මෙම සංවාදයට සහභාගි වෙන්නයි ජනාධිපතිවරයා විසින් සජිත් ප්‍රේමදාස හා අනුර දිසානායක යන මහත්වරුන්ට ආරාධනා කර ඇත.
