Local

කුඹුරු අක්කර 11,757ක් මහ වැස්සෙන් විනා­ශයි

Saturday, 11 November 2023 - 5:26 pm

යල කන්නයේ වගා කොට අස්වනු නෙළන්නට ආසන්නව තිබූ කුඹුරු අක්කර 11,757ක් දැනට මාස එකහමාරකට ආසන්න කාලයක් තිස්සේ ඇද හැලෙන ධාරානිපාත වර්ෂාව නිසා ඇති වූ ගංවතුර තත්ත්වය හේතුවෙන් විනාශයට පත් වී ඇතැයි කෘෂිකර්ම අමාත්‍යාංශය සඳහන් කරයි.

වර්ෂාව නිසා සිදු වූ වගා හානි නිසා ගොවීන් 11,460කට බලපෑම් එල්ල වී තිබෙන බවද කෘෂිකර්ම අමාත්‍යාංශය පවසයි. ඒ හැරුණු කොට යල කන්නයේදී පැවති දැඩි නියඟය හේතුවෙන් කුඹුරු අක්කර 64,088ක වගා හානි වීම් වාර්තා වී ඇතැයි කෘෂිකාර්මික හා ගොවිජන රක්ෂණ මණ්ඩලයේ වාර්තා අනාවරණය කර ඇත.

නියඟය නිසා සිදු වූ වගා හානි සඳහා පළමුවෙන්ම වන්දි පිරිනැමීමට පියවර ගන්නා ලෙසත්. ඒ වන්දි මෙවසර තුළම ගෙවන ලෙසත් කෘෂිකර්ම හා වැවිලි කර්මාන්ත ඇමැති මහින්ද අමරවීර මහතා කෘෂිකාර්මික හා ගොවිජන රක්ෂණ මණ්ඩලයේ සභාපති ඩබ්.එම්.එම්.බී. වීරසේකර මහතාට උපදෙස් දී තිබේ.

මේ වන්දි පිරිනැමීම සඳහා රජයෙන් මුදල් ලැබීම ප්‍රමාද වුව හොත් කෘෂිකාර්මික හා ගොවිජන රක්ෂණමණ්ඩලය සතු මුදල්වලින් හෝ එම වගා හානි වන්දි ගෙවීමට කටයුතු කරන ලෙසද ඇමැතිවරයා සභාපතිවරයාට දැනුම් දී ඇත.


Top Stories
wedivistara

උත්සව සමයේ භාණ්ඩ මිලදී ගැනීමේදී සැලකිලිමත් ‍වන්න - PHI සංගමය

wedivistara

ඔවුන් කුමන කුමන්ත්‍රණ කළත් දූෂිතයන්ට දඩුවම් දීමේ ක්‍රියාවලිය නවත්වන්නේ නෑ - ජනපති

wedivistara

දේශබන්දු තෙන්නකෝන්ට සැඟවී සිටීමට සහාය වූ දෙදෙනෙක් අත්අඩංගුවට

wedivistara

ලක්ෂ 16 ක් කොල්ල කෑ වැලිකඩ පොලිසියේ දෙදෙනෙක් ඇතුළු සැකකරුවන් සිව්දෙනෙක් රිමාන්ඩ්

wedivistara

මරදානේ චොප්පෙගේ පුත්‍රයා අත්අඩංගුවට

wedivistara

තැපැල් ඡන්ද පත්‍රිකා මුද්‍රණ කටයුතු අවසන් අදියරට පැමිණෙයි

Trending
wedivistara

චාමර සම්පත් අල්ලස් ​කොමිසම විසින් අත්අඩංගුවට ගනී

wedivistara

Starlink බ්‍රෝඩ්බෑන්ඩ් සේවා අප්‍රේල් මාසයේ සිට ශ්‍රී ලංකාව තුළ ක්‍රියාත්මකයි - නලින්ද ජයතිස්ස

wedivistara

දකුණු කොරියාවේ සිටින ශ්‍රී ලාංකිකයින්ට දැනුම්දීමක්

wedivistara

රාත්‍රි සමාජ ශාලාවේ ගැටුමට සම්බන්ධ හතරදෙනා රිමාන්ඩ් කිරීමට නියෝග

wedivistara

බැංකු දෙකක් සඳහා මහ බැංකුවෙන් දණ්ඩන පනවයි

wedivistara

හිටපු හමුදාපතිවරුන්ට පැනවූ සම්බාධක ගැන රජයේ ස්ථාවරය නිවේදනය කෙරේ


NEWS ALERT