Local

විවිධාංගීකරණය වූ විපක්ෂය එකතුවෙලා පෙන්නන්නකෝ - ජනපති

Thursday, 15 May 2025 - 8:15 am

පළාත් පාලන ආයතනවල බලය ජාතික ජන බලවේගය විසින් පිහිටුවීමට කටයුතු කරන බව ජනාධිපති අනුර කුමාර දිසානායක පවසනවා.

විවිධාංගීකරණය වූ විපක්ෂය එකතු වී පෙන්වන ලෙසත් එලෙස එකතු වුව‍හොත් ලබාගත් ප්‍රතිඵලය හෝ නොලැබී යනු ඇති බවයි අද (14) ජනතා විමුක්ති පෙරමුණේ 60 වන සංවත්සර උත්සවය අමතමින් ජනාධිපතිවරයා සඳහන් කළේ.

බෙදී වෙන්වී ඡන්දය ඉල්ලා, සභාව පිහිටුවීමේදී එකතුවීමට ලැජ්ජා නැතිව ඔවුන් උත්සාහ කරන බවත් එකතු වී පැමිණෙනවා නම් හෙට කුමන හෝ ඡන්දයක් පැවැත්වීමට සූදානම් බවත් මෙම ජයග්‍රහණය ආපසු හැරවිය නොහැකි බවත් එලෙස හැරවීමට කිසිවෙක් නොමැති බවත් ඔවුන් පැරණි පුස් ව්‍යාපාර බවද උත්සවය ඇමතූ ජනාධිපතිවරයා සඳහන් කළා.

බලයේ බලවත්භාවය ඇඟෙන් මැනීම සිදු නොකරන ලෙසත් එලෙස ඇඟෙනුත් එකක් දෙකක් අවශ්‍ය නම් ප්‍රකාශ කරන ලෙසද ජනාධිපතිවරයා ප්‍රකාශ කළා.

ජාතික ජන බලවේගය ආරම්භ‍යේදී සභා 152 ක බලය පිහිටුවන බවත් ඉතිරි 115 බලය සභාව ආරම්භ කරන දවසෙහි පිහිටුවීමට කටයුතු කරන බව සඳහන් කළ ජනාධිපතිවරයා වැඩිදුරටත් සඳහන් කළේ, ජනවරම අනුව කටයුතු කිරීමට ආණ්ඩුව බැඳී සිටින බවත් ජන වරමට එරෙහිව කටයුතු කරනවා නම් ව්‍යවස්ථාව, නීතිය, දේශපාලනය යන සියල්ලන්ගෙන්ම වැඩ කිරීමට සූදානම් බවයි.