මෝල් වටලා සහල් ගන්නැයි අපට කියනවා.. මෝල් හිමියන්ට ඉදිරිය සුබ නෑ…
Sunday, 01 December 2024 - 7:40 am
ලංකාවේ වී අතිරික්තයක් තිබුණ ද වෙළඳපොළේ සහල් හිඟයක් ඇතැයි වෙළඳ, වාණිජ, ආහාර සුරක්ෂිතතා හා සමුපකාර සංවර්ධන අමාත්‍ය වසන්ත සමරසිංහ මහතා පවසයි.
මෝල් හිමියන් කැඳවා ඔවුන් සතුව ඇති සහල් තොග වෙළඳපොළට නිකුත් කරන්නැයි ඉල්ලීමද ඔවුන්ගෙන් සිදු කර ඇති බවද පැවසූ අමාත්‍යවරයා සහල් මෝල් වටලා සහල් වෙළඳපලට ගෙනත් දෙන්නැයි බොහෝ අය ඉල්ලීම් කරමින් ඇති බවද කියා සිටියේය.
එනිසා පාලන මිලට සහල් ලබාදෙන ලෙස ඔවුන්ගෙන් ඉල්ලා සිටින බවත් එසේ නොකරන්නේ නම් ඔවුන්ට ඉදිරි ප්‍රතිඵල හොඳ නොවන බවත් ඒ මහතා අවධාරණය කරයි.
කෙසේ වෙතත් මේ වන විට රජය සහල් ආනයනයට තීන්දුවක් ගෙන ඇති බවත් ඉදිරි සති තුන ඇතුළත වෙළඳපොළේ සහල් ගැටලුව විසදෙනු බවත් හෙතෙම පැවසීය.
අනුරාධපුරයේදී මාධ්‍ය අමතමින් ඔහු මෙම අදහස් පල කලේය.
