Local

දිවයින පුරා සිදුකළ සෝදිසි මෙහෙයුම්ලින් සැකකරුවන් 2,000කට අධික පිරිසක් අත්අඩංගුවට

Tuesday, 19 December 2023 - 11:27 am

ගතවු පැය 24 කාලය තුළ දිවයින පුරා සිදුකරන ලද විශේෂ මෙහෙයුම්වලදී සැකකරුවන් 2,121ක් අත්අඩංගුවට ගෙන ඇති බව පොලීසිය පවසනවා.

ඒ අනුව එම පිරිසෙන් සැකකරුවන් 12 දෙනෙකු සම්බන්ධයෙන් රැඳවුම් නියෝග මත විමර්ශන සිදුකරන බවයි පොලිස් මාධ්‍ය ප්‍රකාශක, ජ්‍යේෂ්ඨ නියෝජ්‍ය පොලිස්පති නිහාල් තල්දුව සඳහන් කළේ.

සැකකරුවන් 5 දෙනෙකු සම්බන්ධයෙන් වත්කම් විමර්ශන ආරම්භ කර ඇති අතර, පුනරුත්ථාපනය සඳහා පුද්ගලයන් 133 දෙනෙකු යොමු කර ඇති බවද පොලීසිය සඳහන් කළා.

පොලිස් මත්ද්‍රව්‍ය නාශක කාර්යංශය සහ විශේෂ කාර්යංශය ලේඛනගත සැකකරුවන්ගේ ලැයිස්තුවේ සිටි සැකකරුවන් 116 දෙනෙකු ද මෙහිදී අත්අඩංගුවට ගෙන තිබෙනවා.

සිදුකළ සෝදිසි මෙහෙයුම්වලදී හෙරොයින් 2kg 232g ක්, අයිස් 769g ක්, ගංජා 178kg 916 g ක්, ගංජා පැළ 30,550 ක්, හෑෂ් 35kg 89g ක් හා මත් පෙති 3,489 පොලිස් භාරයට ගෙන ඇති බවයි පොලිස් මාධ්‍ය ප්‍රකාශකවරයා වැඩිදුරටත් සඳහන් කළේ.