කෝටි පහක කේරළ ගංජා සමඟ අයෙක් දැලේ
Monday, 15 January 2024 - 9:21 am
කයිට්ස්, නයිනතිව් දූපතේ ජාවාරම් කිරීමට සූදානම් කර තිබූ කෝටි පහකට ආසන්න වටිනාකමින් යුතු කේරළ ගංජා සමඟ පුද්ගලයකු පොලිස් විශේෂ කාර්ය බළකායේ නිලධාරීන් පිරිසක් විසින් පෙරේදා (13) අත්අඩංගුවට ගෙන තිබේ.
පොලිස් විශේෂ කාර්ය බළකායේ නිලධාරීන් පිරිසකට ලද තොරතුරක් මත කයිට්ස් පොලිස් වසමේ නයිනතිව් දූපතේ, සුදුවැලි මුහුදු තීරයේදී වැටලීමක් සිදු කර ඇත.
එහිදී කේරළ ගංජා කිලෝ 21යි ග්‍රෑම් 105ක් සන්තකයේ තබාගෙන අලෙවි කිරීමට සූදානම්ව සිටි නයිනතිව් ප්‍රදේශයේ පදිංචි වයස අවුරුදු 24ක පුද්ගලයකු අත්අඩංගුවට ගෙන ඉදිරි විමර්ශන කටයුතු සඳහා කයිට්ස් පොලිස් ස්ථානයට භාරදී ඇති බව පොලිස් විශේෂ කාර්ය බළකාය පවසයි. අත්අඩංගුවට ගත් මේ කේරළ ගංජාවල දළ වටිනාකම රුපියල් කෝටි පහක් පමණ වේ.
පොලිස් විශේෂ කාර්ය බළකාය මුලතිව් කඳවුරේ නිලධාරීන්ට ලද තොරතුරකට අනුව පොලිස් විශේෂ කාර්ය බළකාය අණදෙන නිලධාරි ජ්‍යෙෂ්ඨ නියෝජ්‍ය පොලිස්පති නීතිඥ වරුණ ජයසුන්දර මහතාගේ නියෝග හා උපදෙස් පරිදි, යාපනය කලාපය භාර ජ්‍යෙෂ්ඨ පොලිස් අධිකාරි රොයි සුමනවර්ධන මහතාගේ මෙහෙයවීම මත, විශේෂ කාර්ය බළකාය මුලතිව් කඳවුරේ දෙවන අණදෙන නිලධාරි පොලිස් පරීක්ෂක පී. එච්. ඩී. සී. කුමාරසිංහ ඇතුළු නිලධාරීන් කණ්ඩායමක් විසින් මේ වැටලීම සිදු කර තිබේ.
.webp)
