Local

තීරු බදු රහිතව ගෙන්වූ ජංගම දුරකතන තොගයක් සමග පුද්ගලයින් දෙදෙනෙකු අත්අඩංගුවට

Thursday, 04 January 2024 - 2:33 pm

තීරු බදු රහිතව මෙරටට ගෙන්වන ලද ජංගම දුරකථන තොගයක් සමග පුද්ගලයින් දෙදෙනෙකු පොලිස් විශේෂ කාර්ය බලකාය විසින් අත්අඩංගුවට ගෙන තිබෙනවා.

ඊයේ (03) උදෑසන පෑලියගොඩ පොලිස් වසමේ මීගමුව - කොළඹ මාර්ගයේදී හදිසි මාර්ග බාධකයක් යොදා වාහන පරීක්ෂා කළ පොලිස් විශේෂ කාර්ය බළකා නිලධාරීන් විසින් සැක සහිත වෑන් රථයක් පරීක්ෂා කිරීමේදී මෙම දුරකථන තොගය හමුවූ බවයි සඳහන් වන්නේ.

භාවිත නොකරන ලද ජංගම දුරකතන 246 ක් සහ විදෙස් රටවල භාවිත කළ ජංගම දුරකථන 77 ක් මෙහිදී පොලිස් විශේෂ කාර්ය බලකා නිලධාරීන් විසින් සිය භාරයට ගෙන තිබෙනවා.

සැකකරුවන් දෙදෙනා සහ වෑන් රථය අත්අඩංගුවට ගෙන පෑලියගොඩ පොලීසියට ඉදිරිපත් කර ඇති අතර, මෙම සැකකරුවන් කොළඹ 12 සහ වත්තල යන ප්‍රදේශවල පදිංචි වයස අවුරුදු 21 සහ 43 වයසෙහි පසුවන අය බවයි වාර්තා වන්නේ.