වෙලදපලේ ලාෆ් ගෑස් හිගයක්..
Saturday, 12 October 2024 - 8:45 pm
රට පුරා බොහෝ ප්‍රදේශයන්හි ලාෆ් ගෑස් හිගයක් ඇති වී තිබේ.
එම ගෑස් සමාගමේ අලෙවි නියෝජිතයන් සඳහන් කරන්නේ ඉල්ලුම් කළද අවශ්‍ය ප්‍රමාණයට ගෑස් තොග සමාගම විසින් සපයන්නේ නැති බවයි.
පසුගිය දින කිහිපය තුරා පුරාම ලාභ ගෑස් සමාගම වෙළඳපොළට ප්‍රමාණවත් තරම් තොග නිකුත් කර නැති බවද දැනගන්නට තිබේ.
ඊට හේතු වී ඇත්තේ ලෝකෙ පලේ ඉහළ ගිය ගෑස් මිලට අනුරූපීව මෙරට ගෑස් මිල ඉහළ නොදැමීමයි.
ලිත්‍රො ගෑස් සමාගම පසුගිය මිල සංශෝධනයේදී නිවේදනය කරන ලද්දේ ලෝක වෙළඳපොළේ ගෑස් මිල ඉහළ යන පසුබිමක වුවද දේශීය වෙලදපලේ ගෑස් මිල ඉහළ නොදමන බවයි.
මෙම තත්වය මත ලාෆ් සමාගමේ සැපයුම අඩාල වීමත් විමත් සමඟ එම ඉල්ලුම ද ලිත්රෝ සමාගම වෙත ස්වභාවිකම පැටවී ඇත.
මෙරට ගෑස් ඉල්ලුමෙන් 23%ක් පමණ සැපයෙන්නේ ලාෆ් සමාගම හරහායි.
මැද පෙරදිග යුද උණසුම හා ශීත සෘතුවේ ඉල්ලුම ඉහල යාම මත ලෝක වෙලදපලේ ගෑස් මිල තව දුරටත් ඉහල යාම අපේක්‍ෂා කෙරෙයි.
