Local

ප්‍රදේශ කිහිපයකට නායයාම් අනතුරු ඇඟවීම් නිකුත් කරයි

Wednesday, 28 May 2025 - 6:35 pm

පවතින අයහපත් කාලගුණයත් සමඟ දිස්ත්‍රික්ක කිහිපයකට නාය යාමේ අනතුරු ඇඟවීම් නිකුත් කිරීමට ජාතික ගොඩනැගිලි පර්යේෂණ සංවිධානය පියවර ගෙන තිබෙනවා.

ඒ අනුව ගාල්ල දිස්ත්‍රික්කයේ ඇල්පිටිය, කළුතර දිස්ත්‍රික්කයේ පාලින්දනුවර, මහනුවර දිස්ත්‍රික්කයේ පස්බාගේ කෝරළය සහ ගඟ ඉහළ කෝරළය, කෑගල්ල දිස්ත්‍රික්කයේ අරණායක, රුවන්වැල්ල, බුලත්කොහුපිටිය සහ යටියන්තොට යන ප්‍රදේශ සඳහා මෙම අනතුරු ඇඟවීමේ නිවේදනය නිකුත් කර තිබෙනවා.

අදාළ ප්‍රදේශවල ජීවත්වන ජනතාව මේ සම්බන්ධයෙන් අවධානයෙන් පසුවන ලෙසයි ජාතික ගොඩනැගිලි පර්යේෂණ සංවිධානය ජනතාවගෙන් ඉල්ලා සිටින්නේ.

අද පෙරවරු 10.00 සිට හෙට දින (29) පෙරවරු 10.00 දක්වා මෙම අනතුරු ඇඟවීම් වලංගු වන බවයි සඳහන් වන්නේ.