Local

දුම්රිය රියදුරන් OT අරන් වාර්තාවක.. විඝණනයත් පුදුම වෙයි..

Monday, 02 December 2024 - 9:47 pm

දුම්රිය රියදුරන්ට අතිකාල ගෙවිය යුත්තේ සතියට පැය 42 කට වඩා වැඩියෙන් සේවය කරන ලද පැය ගණන පදනම් කර ගෙන වුවත් 2007 වර්ෂයේ සිටම සතියට පැය 42 අඩු කිරීමකින් තොරව අතිකාල ගෙවා තිබෙන බව දුම්රිය දෙපාර්තමේන්තුව සම්බන්ධයෙන් වූ 2023 විගණන වාර්තාවේ සදහන් වේ.

දුම්රිය සාමාන්‍යාධිකාරි විසින් 2007 ජනවාරි 13 දින නිකුත් කරන ලද අංක 4/20/64/2/68 දරණ චක්‍ර ලේඛණයේ හා ආයතන සංග්‍රහයේ Vlll වැනි පරිච්ඡේදයේ 5.6 වගන්තියේ දුම්රිය කාර්යය මණ්ඩලයට අතිකාල ගෙවීම සම්බන්ධයෙන් සදහන් වන බවත් ඊට පටහැනිව දුම්රිය රියදුරන්ට අතිකාල ගෙවා තිබෙන බවත් එම වාර්තාවේ වැඩි දුරටත් සදහන් වේ. ආයතන සංග්‍රහයේ විධිවිධාන සහ දුම්රිය සාමාන්‍යාධිකාරි චක්ක්‍රලේඛණයට අනුව අතිකාල ගෙවීම් කරන ලෙසද විගණන වාර්තාව මගින් උපදෙස් ලබා දී ඇත.

එයට අමතරව 2009 අප්‍රේල් 16 දිනැති අංක 09/2009 දරණ රාජ්‍ය පරිපාලන චක්‍රලේඛනය මගින් උපදෙස් ලබා දී තිබූ පරිදි දුම්රිය රියදුරන්ගේ පැමිණීම සහ පිටවීම ඇගිලි සලකුණු යන්ත්‍ර වල සටහන් කරන ලෙසට දුම්රිය දෙපාර්තමේන්තුව නියෝග කර තිබුණත් 2023 දෙසැම්බර් 31 දිනය වන තෙක්ම දුම්රිය රියදුරන් පැමිණීම සහ පිටවීම ඇගිලි සලකුණු යන්ත්‍ර වල සටහන් කිරීමට පියවර ගෙන නොතිබූ බවද එම විගණන වාර්තාවේ සදහන් වේ.

ඇගිලි සලකුණු යන්ත්‍ර භාවිතා නොකර පැමිණීම හා පිටවීම, පැමිණීමේ ලේඛණ වල සටහන් කිරීම සාවද්‍ය අතිකාල ගණනයකට හේතු වී තිබුණ බවද අදාල විගණන වාර්තාව මගින් පෙන්වා දී ඇත.

දුම්රිය දෙපාර්තමේන්තුවේ රත්මලාන ප්‍රධාන යාන්ත්‍රික ඉංජිනේරු උප දෙපාර්තමේන්තුවේ සේවකයින් සදහා වූ කොතලාවල පුර දුම්රිය නිවාස 546 ක් සදහා ජල බිල්පත් වෙනුවෙන් පමණක් වසරකට රුපියල් මිලියන 30 කට අධික මුදලක් දුම්රිය දෙපාර්තමේන්තුව ගෙවා තිබෙන බවත් වෙන් වෙන් වශයෙන් ජල මීටර් සවිකර ගැනීමට උපදෙස් ලබා දී තිබූ බවත් එම විගණන වාර්තාවේ සදහන් වේ.

මෙම නිවාස සංකීර්ණයේ ජල බිල්පත් වෙනුවෙන් පමණක් 2021, 2022 සහ 2023 වසරවල පමණක් රුපියල් 9,23,98,532 /- ක මුදලක් ගෙවා තිබෙන බවද ඒ වෙනුවෙන් එක් නිලධාරියෙකුගෙන් දුම්රිය දෙපාර්තමේන්තුව මසකට රුපියල් 5/- ක් පමණක් අයකර තිබූ බවද විගණන වාර්තාව මගින් වැඩි දුරටත් පෙන්වා දී තිබුණි.


Top Stories
wedivistara

උත්සව සමයේ භාණ්ඩ මිලදී ගැනීමේදී සැලකිලිමත් ‍වන්න - PHI සංගමය

wedivistara

ඔවුන් කුමන කුමන්ත්‍රණ කළත් දූෂිතයන්ට දඩුවම් දීමේ ක්‍රියාවලිය නවත්වන්නේ නෑ - ජනපති

wedivistara

දේශබන්දු තෙන්නකෝන්ට සැඟවී සිටීමට සහාය වූ දෙදෙනෙක් අත්අඩංගුවට

wedivistara

ලක්ෂ 16 ක් කොල්ල කෑ වැලිකඩ පොලිසියේ දෙදෙනෙක් ඇතුළු සැකකරුවන් සිව්දෙනෙක් රිමාන්ඩ්

wedivistara

මරදානේ චොප්පෙගේ පුත්‍රයා අත්අඩංගුවට

wedivistara

තැපැල් ඡන්ද පත්‍රිකා මුද්‍රණ කටයුතු අවසන් අදියරට පැමිණෙයි

Trending
wedivistara

චාමර සම්පත් අල්ලස් ​කොමිසම විසින් අත්අඩංගුවට ගනී

wedivistara

Starlink බ්‍රෝඩ්බෑන්ඩ් සේවා අප්‍රේල් මාසයේ සිට ශ්‍රී ලංකාව තුළ ක්‍රියාත්මකයි - නලින්ද ජයතිස්ස

wedivistara

දකුණු කොරියාවේ සිටින ශ්‍රී ලාංකිකයින්ට දැනුම්දීමක්

wedivistara

රාත්‍රි සමාජ ශාලාවේ ගැටුමට සම්බන්ධ හතරදෙනා රිමාන්ඩ් කිරීමට නියෝග

wedivistara

බැංකු දෙකක් සඳහා මහ බැංකුවෙන් දණ්ඩන පනවයි

wedivistara

හිටපු හමුදාපතිවරුන්ට පැනවූ සම්බාධක ගැන රජයේ ස්ථාවරය නිවේදනය කෙරේ


NEWS ALERT