Local

ශ්‍රී ලංකාවට සංචාරකයන්ගේ පැමිණීම දෙගුණයකින් ඉහළ ගිහින් - විදේශ කටයුතු ඇමති

Friday, 08 December 2023 - 5:26 pm

පසුගිය වසරේ ලංකාවට පැමිණි සංචාරකයන් ප්‍රමාණය 719,000 අගයක් බවත්, නමුත් අද මේ වෙද්දී ලක්ෂ 15 කට ආසන්න ප්‍රමාණයක් සංචාරකයන් පැමිණ ඇති බවත් විදේශ කටයුතු අමාත්‍ය අලි සබ්රි පවසනවා.

ඒ අනුව එය 100% ක වර්ධනයක් බව ඔහු පෙන්වා දෙනවා.

මෙම වර්ධනය පිටිපස ඇත්තේ පහුගිය වසර තුල මාසිකව සියළුම විදේශ තානාපතිවරුන් කැඳවා, ලංකාවේ වර්තමාන තත්ත්වය පිළිබඳව ඔවුන්ට කරුණු ඉදිරිපත් කිරී‍ම බවත්, විවිධ රටවල් සමග සාකච්ඡා කර ලංකාව හා ගනුදෙනු නොකළ විශාල, අළුත් ගුවන් සේවාවන් ලංකාවට ගෙන්නා ගැනීම වැනි කටයුතු බවයි අමාත්‍යවරයා වැඩිදුරටත් සඳහන් කරන්නේ.