පාකිස්ථානය 08 වන දිනයටත් සටන් විරාමය උල්ලංඝණය කළ බවට ඉන්දියාවෙන් චෝදනා
Friday, 02 May 2025 - 11:20 pm
පාකිස්ථානය 08 වන දිනයටත් සටන් විරාමය උල්ලංඝණය කරමින් වෙඩි ප්‍රහාර කිහිපයක් එල්ල කළ බව ඉන්දීය මාධ්‍ය වාර්තා සඳහන් කර තිබෙනවා.
තත්ත්වය උත්සන්න වුවහොත් සිදුවිය හැකි ෂෙල් වෙඩි ප්‍රහාර සඳහා සූදානම් වීම සඳහා දේශසීමාව අවට ජීවත් වන පදිංචිකරුවන් තම පුද්ගලික බංකර් පිරිසිදු කිරීම ආරම්භ කර ඇති බවයි සඳහන් වෙන්නේ.
මේ අතර ඉන්දියාව සහ පාකිස්තානය අතර තත්ත්වය සාකච්ඡා කිරීම සඳහා එක්සත් ජාතීන්ගේ ආරක්ෂක මණ්ඩලයේ රැස්වීමක් ඉතා ඉක්මනින් පැවැත්වෙනු ඇති බව එක්සත් ජාතීන්ගේ ග්‍රීසියේ නිත්‍ය නියෝජිත සහ මැයි මාසයේ ආරක්ෂක මණ්ඩලයේ සභාපති Evangelos Sekeris පවසා ඇති බවද සඳහන්.
පෙහෙල්ගාම් ප්‍රහාරය සමගින් ඇතිවූ ද්වි-පාර්ශ්වීය මත ගැටුම මුල් කරගෙන ඉන්දීය ගුවන්යානා සඳහා සිය ගුවන් කලාපය වසා දැමීමට පාකිස්තානය පියවර ගෙන තිබූ අතර, ඉන්දියාව විසින්ද ඊට ප්‍රතිචාර වශයෙන් පාකිස්ථානය සඳහා සිය ගුවන් කලාපය වසා දැමීමට පියවර ගෙන තිබුණා.
.webp)
