Local

The Henley ශ්‍රේණිගත කිරීම් අනුව ශ්‍රී ලංකා විදේශ ගමන් බලපත්‍රයට 91 වන ස්ථානය හිමිවෙයි

Thursday, 06 March 2025 - 9:44 pm

The Henley Passport ශ්‍රේණිගත කිරීම් අනුව ශ්‍රී ලංකාවේ විදේශ ගමන් බලපත්‍රය 91 වන ස්ථානයට පැමිණ තිබෙනවා.

2024 වසරේදී නිකුත් වූ මේ ලැයිස්තුවේ ශ්‍රී ලංකාව 96 වන ස්ථානයට පත්ව තිබූ අතර, නව ශ්‍රේණිගත කිරීම් අනුව ස්ථාන 05 ක් ඉදිරියට පැමිණීමට ශ්‍රී ලංකාව සමත් වී තිබෙනවා.

මේ ලැයිස්තුවේ ශ්‍රී ලංකාව සමඟ සමතැන ගැනීමට ඉරානය සහ සුඩානය යන රටවල් සමත් වී තිබෙනවා.

රටවල් 193කට වීසා රහිතව ගමන් කිරීමේ අවස්ථාව හිමි සිංගප්පූරුව මෙම ලැයිස්තුවේ පළමු ස්ථානයට පැමිණ ඇති අතර, ජපානය සහ දකුණු කොරියාව දෙවැනි ස්ථානයත්, ඩෙන්මාර්කය, ෆින්ලන්තය, ප්‍රංශය, ජර්මනිය, අයර්ලන්තය, ඉතාලිය සහ ස්පාඤ්ඤය තෙවැනි ස්ථානයත් හිමිකර ගෙන සිටිනවා.