IMF සමග යන්නේ නම් දේපල බද්දක් එයි..
Sunday, 29 September 2024 - 9:28 am
ජාත්‍යන්තර මුල්‍ය අරමුදලේ ඉලක්ක සමග කටයුතු කිරීමේදී ඉදිරියේදී රාජ්‍ය ආදායම වැඩි කිරීම සඳහා අවධානය යොමු කළ යුතුව ඇති බව කොළඹ විශ්ව විද්‍යාලයේ ආර්ථික විද්‍යා අධ්‍යනාංශයේ මහාචාර්ය ප්‍රියංග දුනුසිංහ මහතා සඳහන් කරයි.
ඇතැම් විට දේපළ බද්දක් සම්බන්ධයෙන් වුවද අවධානය යොමු කිරීමට වනු ඇතැයි හෙතෙම කියා සිටියේය.
මාධ්‍ය අමතමින් ඒවා තාම මෙම අදහස් පළ කරන ලදි.
“රජයක් බලයට පත්වූ විගස විවිධාකාර සහන අපේක්ෂා කළ යුතු නැහැ. අපි දන්නවා රට ආර්ථික අර්බුදයක ඉඳලා ගොඩ ඇවිත් යම් ධනාත්මක තත්ත්වයක් ඇති කරගෙන තිබෙන්නේ. යම් ආර්ථික ස්ථායිතාවක් ඇති කරගෙන තියෙන්නේ. මෙතැන් සිට තවත් දුර යා යුතුයි. ඇඟට දැනෙන වෙනසක් ඇති වෙන්න, ඇඟට දැනෙන සහනයක් ඇති වෙන්න අත්‍යවශ්‍ය දෙයක් තමයි ජනතාව ඉවසීමෙන් යුතුව කටයුතු කිරීම.
නව රජය බලයට පත් වූ විගස ජීවන බර සැහැල්ලු වෙයි, රැකී රක්ෂා සුලභ වෙයි, ආදායම් තත්ත්ව ඉහළ යයි යනාදී අපේක්ෂා කෙටි කාලීනව ගොඩනැගීම යහපත් වෙන්නේ නැහැ. පවත්නා ආර්ථික යතාර්ථය තුළ යම් කාලයක් ගතවේවි. රජය කටයුතු කරන ආකාරය අනුව යම් කාලයක ගතවෙයි ආර්ථික කටයුතු ප්‍රවර්ධනය තුලින් යම් සහනයක් ලබා ගැනීම සඳහා.
මේ නිසා ජනතාවගේ පැත්තෙන් යම් ඉවසීමක් අවශ්‍ය වෙනවා රජයට යම් ඉඩ දීමක් අවශ්‍ය වෙනවා අදාළ ක්‍රියාමාර්ග ක්‍රමානුකුලව අරගෙන ඉදිරියට යාමට. බොහෝ විට සිදුවෙන දේ තමයි ජනතාව ඉතා ඉක්මණින් ප්‍රතිඵල බලාපොරොත්තු වෙනවා. වත්මන් රජයකට පමණක් නොව කිසිදු රජයකට එවැනි හැකියාවක් යතාර්ථවාදීව නැහැ. විශේෂයෙන් මෙවන් ආර්ථික අර්බුදකාරී තත්ත්වයක් හමුවේ.”
