Local

අද සිට දින තුනක් විශේෂ මදුරු මර්දන වැඩසටහනක්

Thursday, 27 March 2025 - 2:40 pm

අද (27) සිට දින තුනක් පුරා, දිස්ත්‍රික්ක 08ක විශේෂ මදුරු මර්දන වැඩසටහනක් ක්‍රියාත්මක කිරීමට තීරණය කර ඇති බව ජාතික ඩෙංගු මර්දන ඒකකය පවසනවා.

කොළඹ, ගම්පහ, කළුතර, රත්නපුර, මඩකලපුව, ත්‍රිකුණාමලය, මාතලේ සහ මාතර දිස්ත්‍රික්කවල අදාළ ‍ඩෙංගු මර්දන වැඩසටහන ක්‍රියාත්මක බවයි සඳහන් වන්නේ.

කඩින්කඩ පවතින වර්ෂාව හේතුවෙන් ඩෙංගු යළි ව්‍යාප්ත වීමේ අවධානමක් මතුව ඇති බවත්, එම අවධානම් තත්ත්වය සැලකිල්ලට ගෙන, විශේෂ මදුරු මර්දන වැඩසටහන ලබන 29 වැනිදා දක්වා ක්‍රියාත්මක කරන බවයි ජාතික ඩෙංගු මර්දන ඒකකය වැඩිදුරටත් සඳහන් කළේ.