රට රැකියා වංචාවන්ට එරෙහිව කාර්යාංශය සීරුවෙන්
Wednesday, 17 January 2024 - 8:40 pm
විදේශ රැකියා වංචාකරුවන්ට එරෙහිව ශ්‍රී ලංකා විදේශ සේවා නියුක්ති කාර්යාංශයවිසින් නීතිය දැඩිව ක්‍රියාත්මක කරන අතර, වැරදිකරුවන්ට තරාතිරම නොබලා දඩුවම් කරන්නැයි කම්කරු හා විදේශ රැකියා අමාත්‍ය මනුෂ නානායක්කාර මහතා විසින් කාර්යාංශනිලධාරීන් වෙත උපදෙස් ලබාදී ඇත.
කාර්යාංශයේ වලංගු බලපත්‍රයක් නොමැතිව කටාර් රාජ්‍යයේ රැකියා ලබාදෙන බව පවසා පුද්ගලයකුගෙන් රු. 450000 කමුදලක් ලබාගෙන පොරොන්දු වූ පරිදි රැකියාව ලබා නොදුන්බවට කාර්යාංශයට ලද පැමිණිල්ලක් අනුව වැල්ලම්පිටිය ප්‍රදේශයේ පදිංචිපුද්ගලයකු ශ්‍රී ලංකා විදේශ සේවා නියුක්ති කාර්යාංශයේ විශේෂ විමර්ශන අංශයේ නිලධාරීන් විසින් අත්අඩංගුවට ගෙන ඇත. අත්අඩංගුවට ගත් සැකකරු කොළඹ අංක 5මහේස්ත්‍රාත් අධිකරණයට ඉදිරිපත් කිරීමෙන් අනතුරුව රුපියල් ලක්ෂ 10කශරීර ඇප මත මුදා හැරීමට මහේස්ත්‍රාත්වරයානියෝග කර තිබේ.
මේ අතර රුමේනියාවේ රැකියා ලබාදෙන බව පවසාමුදල් වංචා කිරීමේ චෝදනාවකට අදාළ නඩුවේ දෙවන සැකකරු, කාර්යාංශයේ විශේෂ විමර්ශන අංශයේ නිලධාරීන් විසින් පසුගියදා අත්අඩංගුවට ගන්නා ලදී. අත්අඩංගුවට ගත් සැකකරු රුවන්වැල්ල, කරවනැල්ල ප්‍රදේශයේ පදිංචිකරුවකු වන අතර, මෙම නඩුවට අදාළව පැමිණිලි 19ක් කාර්යාංශය වෙත ලැබී තිබේ . අත්අඩංගුවටගත් සැකකරු රුවන්වැල්ල මහේස්ත්‍රාත් අධිකරණයට ඉදිරිපත් කිරීමෙන් අනතුරුව එළඹෙන 18 දින දක්වා රක්ෂිත බන්ධනාගාර ගත කර ඇති අතරසැකකරු එදිනමෙම නඩුව විභාගයට ගන්නා වැලිසර මහේස්ත්‍රාත් අධිකරණය වෙත ඉදිරිපත් කිරීමට නියමිතය.
විදේශ රැකියාවක් ලබාගැනීම සඳහා යම් ආයතනයකට හෝ පුද්ගලයෙකුට මුදල් හෝ විදේශ ගමන් බලපත්‍රය ලබාදීමට පෙර එම ආයතනයට විදේශ රැකියා සඳහා බදවාගැනීමට කාර්යාංශයේ වලංගු බලපත්‍රයක් තිබේද යන්න හා වලංගු රැකියා නියෝජිතායතනයක් වුවද එම ආයතනයට අදාළ රැකියා ඇණවුම ලැබී ඇත්දැයි යන්න සොයා බැලීම සඳහා කාර්යාංශයේ www.slbfe.lkවෙබ් අඩවියට පිවිසීමෙන් හෝ 1989 ක්ෂණික ඇමතුම් අංකය ඇමතීම මගින් තොරතුරු ලබාගන්නා ලෙස කාර්යාංශය විදේශ රැකියා අපේක්ෂිතයින්ගෙන් ඉල්ලා සිටියි.
.webp)
(1).webp)
(1).webp)
