Local

අගමැති සිය ධුරයෙන් ඉල්ලා අස්වෙයි

Monday, 23 September 2024 - 9:36 am

අග්‍රාමාත්‍ය දිනේෂ් ගුණවර්ධන මහතා සිය ධුරයෙන් ඉල්ලා අස්වී තිබෙනවා.

නව ජනාධිපතිවරයාට අවශ්‍ය පරිදි නව කැබිනට් මණ්ඩයක් පත්කිරීමට අවශ්‍ය පසුබිම සලසමින් ඔහු මෙම ඉල්ලා අස්වීම කර ඇත.

රනිල් වික්‍රමසිංහ මහතා වෙත ලිපියක් යොමු කරමින් ඒ මහතා සඳහන් කර ඇත්තේ අනුර කුමාර දිසානායක මහතා මෙරට 09 වැනි විධායක ජනාධිපතිවරයා ලෙස තේරී පත්වී ඇති බැවින් තමා සිය ධුරයෙන් ඉල්ලා අස්වීමට තීරණය කළ බවයි.

ඔහුගේ ඉල්ලා අස්වීමත් සමග කැබිනට් මණ්ඩලයද අහෝසි වී යයි.

නව ජනාධිපතිවරයා වෙත තම හෘදයාංගම සුබ පැතුම් පළ කරන බවද දිනේෂ් ගුණවර්ධන මහතා විසින් නව ජනාධිපති අනුර දිසානායක මහතාට සුබ පැතුම් එක් කරමින් සදහන් කර ඇත.